വിഴിഞ്ഞം സമരം രാഷ്ട്രീയ ലക്ഷ്യത്തോടെ, മത്സ്യതൊഴിലാളികളെ തെറ്റിദ്ധരിപ്പിച്ചു’; മന്ത്രി ശിവന്കുട്ടി
വിഴിഞ്ഞം സമരം തീര്പ്പാകാതെ പോകുന്നത് സര്ക്കാരിനെതിരെ രാഷ്ട്രീയ ലക്ഷ്യം വച്ചുള്ള നീക്കമായേ കാണാനാകൂയെന്ന് മന്ത്രി വി. ശിവന്കുട്ടി. സമരരംഗത്തുള്ളവര് ഉന്നയിച്ച ആവശ്യങ്ങളില് ബഹുഭൂരിപക്ഷവും സര്ക്കാര് അംഗീകരിച്ച സാഹചര്യത്തില് സമരത്തില് നിന്ന് പിന്മാറണമെന്നും യഥാര്ത്ഥത്തില് മത്സ്യത്തൊഴിലാളികളെ തെറ്റിദ്ധരിപ്പിച്ച് സമരരംഗത്ത് ഇറക്കുകയായിരുന്നെന്നും മന്ത്രി പറഞ്ഞു.
പുനരധിവാസത്തിന് മുട്ടത്തറയില് എട്ടേക്കര് ഭൂമി കണ്ടെത്തിയിട്ടുണ്ടെന്ന് മുഖ്യമന്ത്രി വ്യക്തമാക്കിയിട്ടുണ്ട്. ക്യാമ്പുകളിലുള്ളവര്ക്ക് വീട് ആകുന്നതുവരെ 5,500/ രൂപ പ്രതിമാസ വാടക, വീട് വയ്ക്കുന്നവര്ക്ക് സ്ഥലത്തിനും വീടിനുമായി 10,00,000/ രൂപ. മത്സ്യത്തൊഴിലാളികള്ക്ക് ബോട്ട് ലാന്റിംഗ് സ്റ്റേഷന്, സബ്സിഡി നിരക്കില് ഇന്ധനത്തിന് ഊര്ജ്ജ പാര്ക്ക് തുടങ്ങിയവ ഉള്പ്പെട്ട പുനരധിവാസ പാക്കേജാണ് സര്ക്കാര് മത്സ്യത്തൊഴിലാളികള്ക്ക് നല്കുന്നതെന്ന് മന്ത്രി പറഞ്ഞു.