വേടന് കഞ്ചാവ് ഉപയോഗിച്ചെന്ന് സമ്മതിച്ചു: അന്വേഷണ സംഘം
റാപ്പര് ‘വേടന്’ എന്ന ഹിരണ്ദാസ് മുരളി കഞ്ചാവ് ഉപയോഗിച്ചതായി സ്ഥിരീകരിച്ച് തൃപ്പൂണിത്തുറ SHO എ എല് യേശുദാസ്. ആറ് ഗ്രാം കഞ്ചാവാണ് ഫ്ലാറ്റില് നിന്ന് പിടിച്ചെടുത്തത്. മേശപ്പുറത്തും മറ്റിടങ്ങളിലുമായി കഞ്ചാവ് ഉപയോഗിക്കാനായി നിരത്തി വച്ചിരുന്ന ചിത്രങ്ങള് ട്വന്റി ഫോറിന് ലഭിച്ചു. വേടനെ വൈദ്യപരിശോധനയ്ക്ക് അടക്കം വിധേയമാക്കും. ഒമ്പത് ലക്ഷം രൂപയും ഫ്ലാറ്റില് നിന്ന് കണ്ടെത്തിയിട്ടുണ്ട്. പ്രോഗ്രാമില് നിന്നും ലഭിച്ച പണമാണിതെന്നാണ് വേടന് മൊഴി നല്കിയത്. വേടനൊപ്പം ഫ്ലാറ്റില് ഉണ്ടായിരുന്ന 9 പേരുടെയും അറസ്റ്റ് പൊലീസ് രേഖപ്പെടുത്തിയിട്ടുണ്ട്.
കഴിഞ്ഞ കുറച്ച് ദിവസങ്ങളായി പൊലീസിന്റെ നിരീക്ഷണത്തിലായിരുന്നു കണിയാമ്പുഴയിലെ വേടന് താമസിച്ചിരുന്ന ഫ്ലാറ്റ്.കഴിഞ്ഞദിവസം ഫ്ലാറ്റില് ബാച്ചിലര് പാര്ട്ടി നടന്നിരുന്നു. ഇതോടെയാണ് പൊലീസ് നിരീക്ഷണം ശക്തമാക്കിയത്.രഹസ്യവിവരത്തെ തുടര്ന്ന് ഇന്നാണ് പൊലീസ് വേടന്റെ ഫ്ലാറ്റില് പരിശോധന നടത്തിയത്. തുടര്ന്ന് കഞ്ചാവ് പിടിച്ചെടുത്തതോടെ വേടനെ കസ്റ്റഡിയിലെടുക്കുകയായിരുന്നു.
അതേസമയം, കഞ്ചാവ് പിടികൂടിയ സംഭവത്തിന് പിന്നാലെ സര്ക്കാര് പരിപാടിയില് നിന്ന് വേടന്റെ റാപ്പ് ഷോ സര്ക്കാര് ഒഴിവാക്കി. സംസ്ഥാന സര്ക്കാരിന്റെ ഇടുക്കിയിലെ നാലാം വാര്ഷികാഘോഷ പരിപാടിയില് നിന്നാണ് വേടന്റെ റാപ്പ് ഷോ ഒഴിവാക്കിയത്.
രാജ്യതലസ്ഥാനത്ത് രാജ്നാഥ് സിംഗും പ്രധാനമന്ത്രിയുമായി നിര്ണായക കൂടിക്കാഴ്ച