നടന് ജയസൂര്യക്കെതിരെ കായല് കയ്യേറി നിര്മ്മാണത്തിന് വിജിലന്സ് കുറ്റപത്രം
കായല് കയ്യേറി നിര്മ്മാണം നടത്തിയെന്ന കേസില് നടന് ജയസൂര്യക്കെതിരെ വിജിലന്സ് കുറ്റപത്രം സമര്പ്പിച്ചു. ആറ് വര്ഷം മുമ്പ് രജിസ്റ്റര് ചെയ്ത കേസില് ഇതുവരേയും കുറ്റപത്രം സമര്പ്പിച്ചില്ലെന്ന് കാണിച്ച് ഹര്ജിക്കാരനായ ഗിരീഷ് ബാബു വീണ്ടും ഹര്ജി സമര്പ്പിച്ചതോടെയാണ് പെട്ടെന്ന് നടപടിയുണ്ടായത്. ഇന്നലെയാണ് വിജിലന്സ് കുറ്റപത്രം സമര്പ്പിച്ചത്.
ജയസൂര്യയുടെ വീടിന് സമീപം കടവന്ത്ര ഭാഗത്ത് നിര്മ്മിച്ച ബോട്ട് ജെട്ടിയും ചുറ്റുമതിലും ചിലവന്നൂര് കായല് പുറമ്പോക്ക് കൈയ്യേറി നിര്മ്മിച്ചതാണെന്നാണ് പരാതിക്കാരന്റെ ആരോപണം. കണയന്നൂര് താലൂക്ക് സര്വേയര് ഇത് കണ്ടെത്തുകയും കോര്പറേഷന് സെക്രട്ടറി തൃശൂര് വിജിലന്സ് കോടതിക്ക് ഇതുസംബന്ധിച്ച് റിപ്പോര്ട്ട് സമര്പ്പിക്കുകയും ചെയ്തിരുന്നു. തീരദേശ പരിപാലന സംരക്ഷണ നിയമവും മുനിസിപ്പല് കെട്ടിട നിര്മാണ ചട്ടവും ലംഘിച്ചാണ് കെട്ടിടമെന്നാണ് പരാതി.