വിജയ് ബാബുവിന്റെ മുന്കൂര് ജാമ്യം റദ്ദാക്കണമെന്നാവശ്യപ്പെട്ട് സുപ്രീംകോടതിയെ സമീപിച്ച് അതിജീവിത
എറണാകുളം: നടനും നിര്മ്മാതാവുമായ വിജയ് ബാബുവിന്റെ മുന്കൂര് ജാമ്യം റദ്ദാക്കണമെന്നാവശ്യപ്പെട്ട് സുപ്രീംകോടതിയെ സമീപിച്ച് അതിജീവിത. നിയമത്തെ വെല്ലുവിളിക്കുന്ന സമീപനമാണ് വിജയ് ബാബുവിന്റെ ഭാഗത്ത് നിന്നുണ്ടായതെന്ന് അതിക്രമത്തിന് ഇരയായ നടി ഹര്ജിയില് പറഞ്ഞു. കര്ശന ഉപാധികളോടെ ഹൈക്കോടതിയാണ് വിജയ് ബാബുവിന് മുന്കൂര് ജാമ്യം അനുവദിച്ചത്. പിന്നീട് നടനുമായി പരാതിയില് പറയപ്പെടുന്ന ഹോട്ടലുകളിലെത്തി തെളിവെടുപ്പ് നടത്തിയിരുന്നു. ഇതിനിടെയാണ് പരാതിക്കാരി സുപ്രീംകോടതിയെ സമീപിച്ചത്.
സംസ്ഥാന സര്ക്കാരും ഹൈക്കോടതി വിധിക്കെതിരെ സുപ്രീംകോടതിയെ സമീപിച്ചിരുന്നു. വിജയ് ബാബുവിന് ജാമ്യം നല്കിയതില് ഹൈക്കോടതി നടത്തിയ നിരീക്ഷണങ്ങളില് പ്രോസിക്യൂഷന് കടുത്ത അതൃപ്തി രേഖപ്പെടുത്തിയിരുന്നു. കര്ശന ഉപാധികളോടെയാണ് ഈ മാസം 22 ന് വിജയ് ബാബുവിന് ഹൈക്കോടതി മുന്കൂര് ജാമ്യം നല്കിയത്.