റിലീസിന് മുൻപെ 200 കോടി നേടി വിക്രം; ബോക്സോഫീസിൽ പുതുചരിത്രം സൃഷ്ടിക്കാൻ കമൽ ഹാസൻ
കമല്ഹാസനെ നായകനാക്കി ലോകേഷ് കനകരാജ് ഒരുക്കുന്ന ഏറ്റവും പുതിയ ചിത്രമാണ് വിക്രം. വിജയ് സേതുപതി, ഫഹദ് ഫാസില് എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. അതിഥി താരമായി സൂര്യ ചിത്രത്തില് എത്തുന്നു എന്നതും പ്രത്യേകതയാണ്.
മാനഗരം, കൈതി, മാസ്റ്റര് എന്നീ ചിത്രങ്ങള്ക്ക് ശേഷമാണ് ലോകേഷ് കനകരാജ് വിക്രം ഒരുക്കുന്നത്. ജൂണ് മൂന്നിന് ഈ ബിഗ് ബഡ്ജറ്റ് ചിത്രം തിയേറ്ററുകളിലെത്തും. ഇപ്പോഴിതാ റിലീസിന് മുന്പ് തന്നെ ചിത്രം 200 കോടി ക്ലബില് കയറിയെന്നാണ് റിപ്പോര്ട്ടുകള് സൂചിപ്പിക്കുന്നത്. വ്യത്യസ്ത ഭാഷകളില് എത്തുന്ന ചിത്രം സാറ്റ്ലൈറ്റിലും ഒ.ടി.ടിയിലുമായാണ് ഭീമന് തുകയ്ക്ക് അവകാശം വിറ്റത്.
രത്നകുമാറും ലോകേഷ് കനകരാജും ചേര്ന്നാണ് ചിത്രത്തിന്റെ തിരക്കഥയൊരുക്കിയത്. രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസന് തന്നെയാണ് നിര്മാണം. നരേന്, അര്ജുന് ദാസ്, കാളിദാസ് ജയറാം തുടങ്ങിയവരും ചിത്രത്തില് മുഖ്യ കഥാപാത്രങ്ങളായെത്തും.അനിരുദ്ധാണ് സംഗീത സംവിധാനം. ഗിരീഷ് ഗംഗാധരന് ഛായാഗ്രഹണം നിര്വ്വഹിക്കുന്നു. വിക്രം ഒരു ഗ്യാംഗ്സ്റ്റര് സിനിമയാണ് എന്നാണ് സൂചനകള്. അന്പ് അറിവാണ് ചിത്ത്രിലെ സംഘട്ടന രംഗങ്ങള് ഒരുക്കിയിരിക്കുന്നത്.