സര്ക്കാര് ജീവനക്കാരുടെ ശമ്പളം മുടങ്ങുമോ? സംസ്ഥാനത്ത് കടുത്ത സാമ്പത്തിക പ്രതിസന്ധി.
സംസ്ഥാനത്ത് കടുത്ത സാമ്പത്തിക പ്രതിസന്ധിയെന്ന് സൂചന.നേരത്തെ ട്രഷറിയില് നിന്നും 25ലക്ഷം രൂപയിലധികമുളള തുക പിന്വലിക്കുന്നതിന് നിയന്ത്രണം ഏര്പ്പെടുത്തിയിരുന്നു. എന്നാല് ഇപ്പോള് സര്ക്കാര് ജീവനക്കാരുടെ ശമ്പളം മുടങ്ങുംവിധം സംസ്ഥാനം കടുത്ത സാമ്പത്തിക പ്രതിസന്ധിയിലേക്കാണെന്നാണ് സൂചന. കേന്ദ്രസര്ക്കാരിനോട് കേരളം കടമായി ചോദിച്ച 4000 കോടി രൂപ അനുവദിക്കാത്തതാണ് പ്രതിസന്ധി രൂക്ഷമാക്കിയത്. ശമ്പളം 10 ശതമാനം മാറ്റിവെക്കണം എന്ന നിര്ദ്ദേശം ധനവകുപ്പിന് മുന്നിലുണ്ട് എന്നാണ് സൂചന. എന്നാല് ശമ്പളം മാറ്റിവെക്കുന്നതുമായി ബന്ധപ്പെട്ട കാര്യങ്ങള് ഇപ്പോള് ആലോചനയില് ഇല്ലെന്നാണ് ധനമന്ത്രി കെ.എന്. ബാലഗോപാല് മാധ്യമങ്ങളോട് പറഞ്ഞത്.
ഈ സാമ്പത്തിക വര്ഷം തുടങ്ങിയതിന് ശേഷം ഒന്നിലധികം തവണയായി കേന്ദ്ര സര്ക്കാരിനോട് കടമെടുപ്പിനുള്ള അപേക്ഷ നല്കി. റിസര്വ് ബാങ്ക് ഇതുപ്രകാരം 4000 കോടി കേരളത്തിനായി പല ഘട്ടമായി ഷെഡ്യൂള് ചെയ്യുകയും ചെയ്തു. എന്നാല് കേന്ദ്രം കടമെടുപ്പിനുള്ള അനുമതി നല്കിയിട്ടില്ല.