പ്ലസ് വണ്: പ്രവേശനത്തിന് ജൂലൈ 11 മുതല് അപേക്ഷിക്കാം, ആദ്യ അലോട്ട്മെന്റ് 27ന്
തിരുവനന്തപുരം: സംസ്ഥാനത്ത് പ്ലസ് വണ് ക്ലാസുകള് അടുത്തമാസം 17-ന് ആരംഭിക്കും. പ്ലസ് വണ് പ്രവേശനത്തിന് 11 മുതല് അപേക്ഷിക്കാം. ട്രയല് അലോട്ട്മെന്റ് 21 ന്. ആദ്യ അലോട്ട്മെന്റ് 27 ന്. അപേക്ഷ. ഓണ്ലൈനായി സമര്പ്പിക്കുവാനുമുള്ള അവസാന തീയതി 18 ആണ്. നീന്തലിന് നല്കിവന്ന രണ്ട് ബോണസ് പോയിന്റ് ഇക്കുറി ഒഴിവാക്കി.
മുഖ്യഘട്ടത്തിലെ അവസാന അലോട്ട്മെന്റ് തീയതി ഓഗസ്റ്റ് 11. മുഖ്യ ഘട്ടത്തിലെ മൂന്ന് അലോട്ട്മെന്റുകളിലൂടെ ഭൂരിഭാഗം സീറ്റുകളില് പ്രവേശനം ഉറപ്പാക്കി ഓഗസ്റ്റ് 17 ന് പ്ലസ് വണ് ക്ലാസ്സുകള് ആരംഭിച്ച് സപ്ലിമെന്ററിഅലോട്ട്മെന്റുകളിലൂടെ ശേഷിക്കുന്ന ഒഴിവുകള് നികത്തി സെപ്റ്റംബര് 30 ന് പ്രവേശന നടപടികള്അവസാനിപ്പിക്കും.
സ്പോര്ട്ട്സ് ക്വാട്ട അഡ്മിഷന് രണ്ട് ഘട്ടങ്ങള് ഉള്പ്പെട്ട ഓണ്ലൈന് സംവിധാനത്തില് ആയിരിക്കും. ആദ്യ ഘട്ടത്തില് സ്പോര്ട്ട്സില് മികവ് നേടിയ വിദ്യാര്ഥികള് അവരുടെ സ്പോര്ട്സ് സര്ട്ടിഫിക്കറ്റുകള് അതാത് ജില്ലാ സ്പോര്ട്ട്സ് കൗണ്സിലുകളില് ഓണ്ലൈനായി രജിസ്റ്റര് ചെയ്യേണ്ടതാണ്. രണ്ടാം ഘട്ടത്തില് പ്ലസ് വണ് അഡ്മിഷന് യോഗ്യത നേടുന്ന വിദ്യാര്ഥികള് സ്പോര്ട്ട്സ് ക്വാട്ടയില് അഡ്മിഷന് ലഭിക്കുന്നതിനായി അവരുടെ അപേക്ഷ സ്കൂള്/കോഴ്സുകള് ഓപ്ഷനായി ഉള്ക്കൊള്ളിച്ച് ഓണ്ലൈനായി സമര്പ്പിക്കണം. ഏകജാലക സംവിധാനത്തിന്റെ മുഖ്യ ഘട്ടത്തോടൊപ്പം രണ്ട് അലോട്ട്മെന്റുകളും ഒരു സപ്ലിമെന്ററി അലോട്ട്മെന്റും സ്പോര്ട്സ് ക്വാട്ടാ പ്രവേശനത്തിനായി ഉണ്ടായിരിക്കുന്നതാണ്.