തിരുവനന്തപുരം കോര്പ്പറേഷന് കത്ത് വിവാദത്തില് കോര്പ്പറേഷന് സ്പെഷ്യല് കൗണ്സില് യോഗം ശനിയാഴ്ച
തിരുവനന്തപുരം കോര്പ്പറേഷന് കത്ത് വിവാദത്തിന്റെ പശ്ചാത്തലത്തില് ഈ മാസം 19ന് തിരുവനന്തപുരം നഗരസഭ പ്രത്യേക കൗണ്സില് ചേരും. നേരത്തെ പ്രത്യേക കൗണ്സില് വിളിക്കണമെന്ന് ആവശ്യപ്പെട്ട് 35 ബിജെപി കൗണ്സിലര്മാര് നോട്ടീസ് നല്കിയിരുന്നു. കത്ത് വിവാദവുമായി ബന്ധപ്പെട്ട് ഇന്നും പ്രതിപക്ഷത്തിന്റെ പ്രതിഷേധം തുടരുകയാണ്. കനത്ത സുരക്ഷയിലാണ് മേയര് ഓഫിസിലെത്തുന്നത്.
വിവാദ കത്തിന്റെ ഉറവിടം സംബന്ധിച്ച അന്വേഷണം ഇതുവരെ എങ്ങുമെത്തിയിട്ടില്ല. അവധിയിലുള്ള ക്രൈംബ്രാഞ്ച് മേധാവിയെ വെള്ളിയാഴ്ചയേ മടങ്ങിയെത്തൂ. ഇതിന് ശേഷമായിരിക്കും വിശദമായ അന്വേഷണം സംബന്ധിച്ച തീരുമാനങ്ങളുണ്ടാകുക.