ഷാജന് സ്കറിയയുടെ മുന്കൂര് ജാമ്യപേക്ഷ ഹൈക്കോടതി തള്ളി
കൊച്ചി: അപകീര്ത്തികരമായ വാര്ത്ത നല്കിയെന്ന കേസില് മറുനാടന് മലയാളി എഡിറ്റര് ഷാജന് സ്കറിയയുടെ മുന്കൂര് ജാമ്യപേക്ഷ ഹൈക്കോടതി തള്ളി.
പി.വി ശ്രീനിജന് എം എല് എ യുടെ ഹര്ജിയിലാണ് ഉത്തരവ്. വ്യാജവാര്ത്ത നല്കി തന്നെ വ്യക്തിപരമായി അധിക്ഷേപിക്കുന്നുവെന്ന പി വി ശ്രീനിജിന് എം എല് എയുടെ പരാതിയില് പട്ടികജാതി അതിക്രമം തടയല്, ഇന്ത്യന് ശിക്ഷാനിയമം എന്നിവപ്രകാരം പൊലീസ് ഷാജനെതിരെ കേസെടുത്തിരുന്നു.
ഇതിന് പിന്നാലെ ഒളിവില്പ്പോയ ഷാജന് സ്കറിയ മുന്കൂര് ജാമ്യം തേടി കോടതിയെ സമീപിക്കുകയായിരുന്നു. ഷാജന് നടത്തുന്നത് മാധ്യമ പ്രവര്ത്തനമല്ലെന്ന് ഹൈകോടതി നേരത്തേ പരാമര്ശിച്ചിരുന്നു. എറണാകുളം പ്രിന്സിപ്പല് സെഷന്സ് കോടതി ജാമ്യാപേക്ഷ തള്ളിയത് ചോദ്യം ചെയ്താണ് ഷാജന് സ്കറിയ ഹൈക്കോടതിയെ സമീപിച്ചത്