പിവി അന്വറിനും കുടുംബത്തിനുമെതിരായ ഉത്തരവ് നടപ്പാക്കാത്തത് എന്തുകൊണ്ടെന്ന് ഹൈക്കോടതി
ഭൂപരിഷ്കരണം നിയമം ലംഘിച്ചെന്ന പി വി അന്വര് എം എല് എയ്ക്കും കുടുംബത്തിനുമെതിരായ ആരോപണവുമായി ബന്ധപ്പെട്ട സിംഗിള് ബെഞ്ചിന്റെ മുന് ഉത്തരവ് നടപ്പാക്കാത്തതില് ഹൈക്കോടതി സര്ക്കാരിനോട് വിശദീകരണം തേടി. അന്വറും കുടുംബവും അനധികൃതമായി കൈവശം വെച്ച മിച്ചഭൂമി തിരിച്ചുപിടിക്കണമെന്ന സിംഗിള് ബെഞ്ചിന്റെ മുന് ഉത്തരവ് നടപ്പാക്കാത്തതിലാണ് ഹൈക്കോടതി സര്ക്കാരിനോട് വിശദീകരണം തേടിയിരിക്കുന്നത്. കണ്ണൂര് സോണല് താലൂക്ക് ലാന്റ് ബോര്ഡ് ചെയര്മാന് എം എച്ച് ഹരീഷ്, താമരശേരി താലൂക്ക് ലാന്ഡ് ബോര്ഡ് സ്പെഷല് തഹസില്ദാര് പി ജുബീഷ് എന്നിവര് മറുപടി നല്കണം. കേസ് ഒരാഴ്ചക്ക് ശേഷം വീണ്ടും പരിഗണിക്കും.