പുതുപ്പള്ളി ഉപതിരഞ്ഞെടുപ്പ് പ്രഖ്യാപിച്ചു, സെപ്റ്റംബര് 5ന് വോട്ടെടുപ്പ്
ന്യൂഡല്ഹി പുതുപ്പള്ളി ഉപതിരഞ്ഞെടുപ്പ് സെപ്റ്റംബര് 5ന് നടക്കുമെന്ന് ദേശീയ തിരഞ്ഞെടുപ്പ് കമ്മിഷന് അറിയിച്ചു. മുന് മുഖ്യമന്ത്രി ഉമ്മന് ചാണ്ടിയുടെ നിര്യാണത്തെ തുടര്ന്നാണ് പുതുപ്പള്ളിയില് ഉപതിരഞ്ഞെടുപ്പ്. പുതുപ്പള്ളി ഉള്പ്പെടെ ഏഴു നിയോജക മണ്ഡലങ്ങളിലേക്കാണ് ഉപതിരഞ്ഞെടുപ്പ് നടക്കുന്നത്. പുതുപ്പള്ളിക്കു പുറമേ ജാര്ഖണ്ഡിലെ ധുമ്രി, ത്രിപുരയിലെ ബോക്സാനഗര്, ധന്പുര്, ബംഗാളിലെ ധുപ്ഗുരി, ഉത്തര്പ്രദേശിലെ ഘോസി, ഉത്തരാഖണ്ഡിലെ ബാഗേശ്വര് എന്നിവിടങ്ങളിലാണ് സെപ്റ്റംബര് 5ന് ഉപതിരഞ്ഞെടുപ്പ് നടക്കുക. മാതൃകാ പെരുമാറ്റച്ചട്ടം നിലവില് വന്നു. നാമനിര്ദേശ പത്രിക സമര്പ്പിക്കേണ്ട അവസാന തീയതി ഓഗസ്റ്റ് 17, സൂക്ഷ്മ പരിശോധന ഓഗസ്റ്റ് 18, നാമനിര്ദേശ പത്രിക പിന്വലിക്കാനുള്ള അവസാന തീയതി ഓഗസ്റ്റ് 21. വോട്ടെണ്ണല് സെപ്റ്റംബര് എട്ടിന് നടക്കും