സ്പീക്കര് റൂളിംഗ് നല്കിയിട്ടും സ്പീക്കറെ പോലും അപമാനിക്കുന്ന തരത്തിലാണ് ഭരണകക്ഷി അംഗങ്ങള് പെരുമാറിയതെന്ന് വി.ഡി സതീശന്
തിരുവനന്തപുരം: സ്പീക്കര് റൂളിംഗ് നല്കിയിട്ടും സ്പീക്കറെ പോലും അപമാനിക്കുന്ന തരത്തിലാണ് ഭരണകക്ഷി അംഗങ്ങള് പെരുമാറിയതെന്ന് പ്രതിപക്ഷ നേതാവ് വി.ഡി സതീശന്. നിരന്തരമായി സ്പീക്കര് അവഹേളിതനാകുന്ന തരത്തിലുള്ള പ്രവര്ത്തനമാണ് മന്ത്രിമാര് ഉള്പ്പെടെയുള്ളവരുടെ ഭാഗത്ത് നിന്നുണ്ടാകുന്നത്. കിട്ടിയ അവസരത്തിലെല്ലാം സ്പീക്കറെ മോശക്കാരനാക്കാനാണ് ഭരണപക്ഷം ശ്രമിച്ചതെന്നും പ്രതിപക്ഷ നേതാവ് ആരോപിച്ചു.
മത്രിമാരുടെ നേതൃത്വത്തിലാണ് പ്രതിപക്ഷ നേതാവിന്റെ പ്രസംഗം തടസപ്പെടുത്തിയത്. പ്രതിപക്ഷ ഉപനേതാവിന്റെ വാക്കൗട്ട് പ്രസംഗം നടത്താനും മന്ത്രിമാരുടെ നേതൃത്വത്തിലുള്ള സംഘം അനുവദിച്ചില്ല. നിയമസഭ തല്ലിത്തകര്ത്തവര് മന്ത്രിമാരായി ഇരിക്കുന്ന സഭയില് അവരുടെയെല്ലാം നേതൃത്വത്തിലാണ് പ്രതിപക്ഷത്തിന്റെ പ്രസംഗം തടസപ്പെടുത്താന് ശ്രമിക്കുന്നത്. ഇതിനായി പ്രത്യേക സംഘത്തെ തന്നെ നിയോഗിച്ചിട്ടുണ്ട്. ചില ദിവസങ്ങളില് മന്ത്രിമാരുടെ സംഘമാണ്. പ്രതിപക്ഷത്തിന്റെ പ്രസംഗം തടസപ്പെടുത്തുന്നതും സ്പീക്കറെ അവഹേളിക്കുന്നതും പ്രതിഷേധാര്ഹമാണ്.
മുഖ്യമന്ത്രിയുടെ ഓഫീസിലെ ഒരു സംഘം പൊതുമരാമത്ത് മന്ത്രി മുഹമ്മദ് റിയാസിന്റെ നേതൃത്വത്തിലാണ് ആഭ്യന്തരവകുപ്പ് ഹൈജാക്ക് ചെയ്തിരിക്കുന്നത്. അവരാണ് കാര്യങ്ങള് തീരുമാനിക്കുന്നത്. മുന്നാക്ക വികസന കോര്പറേഷന് ചെയര്മാനെ മാറ്റിയത് പോലും മുഖ്യമന്ത്രി അറിഞ്ഞില്ല. ഇത് അറിഞ്ഞില്ലെങ്കില് മുഖ്യമന്ത്രി എന്തിനാണ് അവിടെ ഇരിക്കുന്നത്വേറെ ആരൊക്കെയോ ആണ് കാര്യങ്ങള് തീരുമാനിക്കുന്നത്. ആ സംഘത്തിന്റെ കയ്യിലാണ് ആഭ്യന്തരവകുപ്പ്. ഈ സംഘമാണ് ഐ.ജി വിജയനെ സസ്പെന്ഡ് ചെയ്യിപ്പിച്ചത്. മാദ്ധ്യമ പ്രവര്ത്തകര്ക്കെതിരെയും രാഷ്ട്രീയ എതിരാളികള്ക്കെതിരെയും കേസെടുക്കുന്നതും ഈ സംഘമാണെന്ന് പ്രതിപക്ഷ നേതാവ് ആരോപിച്ചു.