കെ മുരളീധരനും വി മുരളീധരനും തമ്മില് വാക് പോര്
തിരുവനന്തപുരം: രണ്ടാം വന്ദേഭാരതിന്റെ ഉദ്ഘാടനയാത്ര ബിജെപി കയ്യടക്കിയെന്ന ആരോപണത്തെച്ചൊല്ലി കെ മുരളീധരനും വി മുരളീധരനും തമ്മിലുള്ള വാക് പോര് തുടരുന്നു. താന് ജനങ്ങളാല് തെരഞ്ഞെടുക്കപ്പെട്ട ജനപ്രതിനിധിയാണെന്ന് അദ്ദേഹം പറഞ്ഞു. വി മുരളീധരന് ഒരു പഞ്ചായത്ത് ഇലക്ഷന് എങ്കിലും ജയിച്ചാല് സമ സ്താപരാധം പറയാം. തറ രാഷ്ട്രീയം കളിച്ചാല് അതിനെ വിമര്ശിക്കേണ്ട ഉത്തരവാദിത്വം തനിക്കുണ്ട്. രണ്ടാം വന്ദേ ഭാരത് കേന്ദ്രത്തിന്റെ ഔദാര്യമല്ല. ഒന്നാം വന്ദേ ഭാരതത്തിന്റെ ലാഭം കണ്ടാണ് രണ്ടാമത്തേത്. പറഞ്ഞ നിലപാടില് ഉറച്ചു നില്ക്കുന്നുവെന്നും അദ്ദേഹം പറഞ്ഞു
വന്ദേഭാരതിന്റെ ഉദ്ഘാടനം ബിജെപി പരിപാടിയാക്കി മാറ്റിയെന്ന കെ മുരളീധരന്റെ വിമര്ശനത്തിന് മറുപടിയുമായി കേന്ദ്രസഹമന്ത്രി വി മുരളീധരന് ഇന്ന് രാവിലെ രംഗത്ത് വന്നിരുന്നു. ക്ഷണം കിട്ടിയവരാണ് വന്ദേ ഭാരതില് യാത്ര ചെയ്തത്. ദിവസം മുഴുവന് ബിജെപിക്കാരെ കാണേണ്ടി വന്നതിന്റെ അസ്വസ്ഥതയാവും കെ മുരളീധരനുണ്ടായത്. സാഹചര്യങ്ങള്ക്കനുസരിച്ച് അഭിപ്രായം മാറ്റിപറയുന്നയാളാണ് കെ മുരളീധരനെന്നും മന്ത്രി പറഞ്ഞു. ഇതിനാണ് കെ മുരളീധരന് പ്രതികരണവുമായി വീണ്ടും രംഗത്ത് വന്നത്.