സംസ്ഥാനത്ത് ഐഎഎസ് തലത്തില് വ്യാപക അഴിച്ചുപണി നടത്തി സര്ക്കാര്
തിരുവനന്തപുരം: സംസ്ഥാനത്ത് ഐഎഎസ് തലത്തില് വ്യാപക അഴിച്ചുപണി നടത്തി സര്ക്കാര്. പത്തനംതിട്ട, കൊല്ലം, ആലപ്പുഴ, മലപ്പുറം, കണ്ണൂര്, കോഴിക്കോട് തുടങ്ങിയ ജില്ലകളിലെ കളക്ടര്മാര്ക്കാണ് സ്ഥലംമാറ്റം. ഈ മാസം 15ന് വിഴിഞ്ഞം അന്താരാഷ്ട്ര തുറമുഖത്തിന്റെ ഉദ്ഘാടനം നടക്കാനിരിക്കെ എം ഡിയായ അദീല അബ്ദുല്ല ഐഎഎസിനെ സ്ഥാനത്ത് നിന്നും മാറ്റി. പകരം പത്തനംതിട്ട ജില്ലാ കളക്ടറായിരുന്ന ദിവ്യ എസ് അയ്യര് ഐഎഎസിന് ചുമതല നല്കി.
നിലവില് ബോളിസ്റ്റ് വേസ്റ്റ് മാനേജ്മെന്റ് പ്രോജക്ട് ഡയറക്ടറിന്റെ ചുമതല വഹിക്കുന്നത് ദിവ്യ എസ് അയ്യറാണ്. ആലപ്പുഴ ജില്ലാ കലളക്ടറായിരുന്ന ഹരിതാ വി കുമാറിനെ മൈനിംഗ് ആന്ഡ് ജിയോളജി വകുപ്പ് ഡയറക്ടറായി നിയമിച്ചു. പകരം ഭൂജല വകുപ്പ് ഡയറക്ടര് ജോണ് വി സാമുവല് ആലപ്പുഴ കളക്ടറായി സ്ഥാനമേല്ക്കും. സാമൂഹിക സുരക്ഷാ മിഷന് എക്സിക്യൂട്ടീവ് ഡയറക്ടറായിരുന്ന എ ഷിബു ഐഎഎസ് ആയിരിക്കും ദിവ്യ എസ് അയ്യര്ക്കുപകരം പത്തനംതിട്ട കളക്ടറാകും.
മലപ്പുറം കളക്ടറായിരുന്ന വി ആര് പ്രേംകുമാറിനെ പഞ്ചായത്ത് ഡയറക്ടറായി നിയമിച്ചു. ഭക്ഷ്യസുരക്ഷാ കമ്മീഷണറായിരുന്ന വി ആര് വിനോദിന് പകരമാണ് നിയമനം നടത്തിയിരിക്കുന്നത്. കൊല്ലം ജില്ലാ കളക്ടറായിരുന്ന അഫ്സാന പര്വീണിനായിരിക്കും ഭക്ഷ്യസുരക്ഷാ കമ്മീഷണറുടെ ചുമതല. മൈനിംഗ് ആന്ഡ് ജിയോളജി വകുപ്പ് ഡയറക്ടറായിരുന്ന ദേവി ദാസാണ് പുതിയ കൊല്ലം ജില്ലാ കളക്ടര്. പ്രവേശന പരീക്ഷാ കമ്മീഷണറായിരുന്ന അരുണ് കെ വിജയനെ കണ്ണൂര് കളക്ടറായും ചീഫ് സെക്രട്ടറിയുടെ സ്റ്റാഫ് ഓഫീസറായിട്ടുളള സ്നേഹില് കുമാര് സിംഗിനെ കോഴിക്കോട് കളക്ടറായും നിയമിച്ചു