മഞ്ജു വാര്യര്ക്കെതിരെ വക്കീല് നോട്ടീസ്
കൊച്ചി:ഷൂട്ടിങ് ലൊക്കേഷനില് മതിയായ സുരക്ഷ ഒരുക്കിയില്ലെന്ന് കാട്ടി നടി മഞ്ജു വാര്യര്ക്ക് വക്കീല് നോട്ടീസ് അയച്ചു. നടി ശീതള് തമ്പി. ഫൂട്ടെജ് എന്ന സിനിമയുടെ ഷൂട്ടിംഗ് ലൊക്കേഷനില് ആവശ്യമായ സുരക്ഷ ഒരുക്കിയില്ലെന്ന് കാട്ടി മഞ്ജുവിന് വക്കീല് നോട്ടീസ് അയച്ചത്.ഫുട്ടെജിന്റെ നിര്മാതാവ് കൂടിയാണ് മഞ്ജു. നടി മഞ്ജുവാര്യര് അഞ്ച് കോടി നഷ്ടപരിഹാരം നല്കണമെന്നാണ് ആവശ്യപ്പെട്ടിരിക്കുന്നത്. സിനിമയുടെ ഷൂട്ടിംങ്ങിനിടെ ശീതളിന് പരിക്കേറ്റിരുന്നു. എന്നാല് ആംബുലന്സ് പോലും ഒരുക്കിയില്ലെന്ന് നോട്ടീസില് പറയുന്നു.
മഞ്ജു വാര്യര്ക്കും നിര്മാണ കമ്പനി മൂവി ബക്കറ്റിലെ പാര്ട്ണറായ ബിനീഷ് ചന്ദ്രനുമെതിരെയാണ് നടിയും അസിസ്റ്റന്റെ ഡയറക്ടറുമായ ശീതള് തമ്പി വക്കീല് നോട്ടീസ് അയച്ചിരിക്കുന്നത്. പുറത്തിറങ്ങാനിരിക്കുന്ന ഫൂട്ടേജ് സിനിമയില് ശതീള് തമ്പി അഭിനയിച്ചിരുന്നു. ചിമ്മിനി വനമേഖലയിലായിരുന്നു ചിത്രീകരണം. ഷൂട്ടിങ്ങിനിടയില് ഫൈറ്റ് സീനില് ശീതള് അഭിനയിച്ചിരുന്നു. സാധാരണയായി സുരക്ഷാമാനദണ്ഡങ്ങള് പാലിച്ചാണ് ഈ സീനെല്ലാം ചിത്രീകരിക്കുന്നത്. എന്നാല് മതിയായ സുരക്ഷയില്ലാതെ ഷൂട്ട് ചെയ്യുകയും നിരവധി തവണ ഷൂട്ട് ചെയ്യേണ്ടി വന്നതിനാല് ശീതളിന് പരിക്കുണ്ടായി എന്നുമാണ് വക്കീല് നോട്ടീസിന് ആധാരമായി പറയുന്നത്.
പരിക്കുമായി ബന്ധപ്പെട്ട് ശസ്ത്രക്രിയ തന്നെ നടത്തേണ്ടി വന്നു. ആശുപത്രിയില് വലിയ രീതിയില് പണം ചിലവായി. പക്ഷേ മൂവി ബക്കറ്റ് നിര്മാണ കമ്പനി പല ഘട്ടങ്ങളിലായി നല്കിയത് ഒരു ലക്ഷത്തി എണ്പതിനായിരം രൂപയാണ് നല്കിയതെന്നും നോട്ടീസില് പറയുന്നു. നിലവില് ജോലി ചെയ്യാന് പറ്റാത്ത സാഹചര്യമാണ്. ഇതിന് ഉചിതമായ നഷ്ടപരിഹാരം നല്കാതെ മൂവി ബക്കറ്റ് മൗനം തുടരുകയാണെന്നും നഷ്ടപരിഹാരം വേണമെന്നുമാണ് വക്കീല് നോട്ടീസില് ആവശ്യപ്പെടുന്നത്.