അയോധ്യ രാമക്ഷേത്രത്തില് ധ്വജാരോഹണ ചടങ്ങ് നിര്വഹിച്ച് പ്രധാനമന്ത്രി
അയോധ്യയിലെ രാമക്ഷേത്ര നിര്മ്മാണം പൂര്ത്തീകരിച്ചതിന്റെ പ്രതീകമായ ധര്മ്മ ധ്വജാരോഹണം നടന്നു. പ്രധാനമന്ത്രി നരേന്ദ്ര മോദിയുടെ നേതൃത്വത്തില് പതാക ഉയര്ത്തല് ചടങ്ങ് നടന്നു. ഈ നിമിഷം അപൂര്വവും അതുല്യവും എന്ന് പ്രധാനമന്ത്രി പറഞ്ഞു. നൂറ്റാണ്ടുകള് പഴക്കമുള്ള മുറിവുകള് ഇന്ന് സുഖപ്പെടുന്നു. എല്ലാ രാമ ഭക്തരും ഇന്ന് സംതൃപ്തരാണ്. ഈ കൊടി മരം നമ്മുടെ സ്വപ്നങ്ങളുടെയും അഭിലാഷങ്ങളുടെയും പ്രതീകമാണെന്നും പ്രധനമന്ത്രി വ്യക്തമാക്കി.
അയോധ്യ ക്ഷേത്രത്തിലെ ശിഖിരത്തിലെ 191 അടി ഉയരത്തിലാണ് പതാക സ്ഥാപിച്ചത്. രാമന്റെ ആദര്ശങ്ങളുടെ സൂചകമായി കോവിദാര വൃക്ഷവും ഓം എന്ന അക്ഷരവും എഴുതിയ കാവി നിറത്തില് ത്രികോണാകൃതിയിലുള്ള പതാകയാണ് ഉയര്ത്തിയത്. രാമന്റെയും സീതയുടെയും വിവാ?ഹ പഞ്ചമിയോടനുബന്ധിച്ചുള്ള അഭിജിത് മുഹൂര്ത്തത്തിലാണ് ചടങ്ങ് നടക്കുന്നത്.
ദേശീയ ഐക്യത്തിന്റെ പുതിയ അധ്യായത്തിന്റെ തുടക്കം എന്നാണ് ഇതിനെ അധികൃതര് വിശേഷിപ്പിക്കുന്നത്. ആര്എസ്എസ് മേധാവി മോഹന് ഭാഗവതും മോദിക്കൊപ്പം ചടങ്ങില് പങ്കെടുത്തു. അയോധ്യയില് ഉയര്ന്ന പതാക ധര്മ്മ പതാകയെന്നറിയപ്പെടുമെന്ന് ക്ഷേത്ര ട്രസ്റ്റ് വ്യക്തമാക്കി. പ്രധാന ക്ഷേത്രത്തിന്റെ നിര്മ്മാണം പൂര്ത്തിയാക്കുന്നതിന്റെ ഭാ?ഗമായാണ് പതാക ഉയര്ത്തല് ചടങ്ങ് നടന്നത്.