മേയറുടെ പരാതിയില് ക്രൈംബ്രാഞ്ച് അന്വേഷണം
തിരുവനന്തപുരം മേയര് ആര്യാ രാജേന്ദ്രന് നല്കിയ പരാതിയില് ക്രൈംബ്രാഞ്ച് അന്വേഷണം.തന്റെ പേരില് പ്രചരിക്കുന്ന കത്തിനെക്കുറിച്ച് അന്വേഷിക്കണമെന്ന് ആവശ്യപ്പെട്ട് തിരുവനന്തപുരം മേയര് ആര്യാ രാജേന്ദ്രന് നല്കിയ പരാതിയില് ക്രൈംബ്രാഞ്ച് അന്വേഷണം നടത്താന് സംസ്ഥാന പോലീസ് മേധാവി അനില്കാന്ത് ഉത്തരവായി. ക്രൈംബ്രാഞ്ച് തിരുവനന്തപുരം യൂണിറ്റ് എസ്.പി എസ് മധുസൂദനന്റെ മേല്നോട്ടത്തില് ഡിവൈ.എസ്.പി ജലീല് തോട്ടത്തില് കേസ് അന്വേഷിക്കും.