ഗവര്ണര്-സര്ക്കാര് പോരിനിടെ രാജ്ഭവനിലെ ക്രിസ്മസ് വിരുന്നിലേക്ക് മുഖ്യമന്ത്രിക്കും മന്ത്രിമാര്ക്കും ക്ഷണം
സര്ക്കാരും രാജ്ഭവനും തമ്മില് തുടരുന്ന പോരിനിടെ രാജ്ഭവനില് നടക്കുന്ന ക്രിസ്മസ് വിരുന്നിലേക്ക് മുഖ്യമന്ത്രിയെയും മന്ത്രിമാരെയും ക്ഷണിച്ച് ഗവര്ണര് ആരിഫ് മുഹമ്മദ് ഖാന്.
ഈ മാസം 14 നാണ് പരിപാടി. കഴിഞ്ഞ തവണ ക്ഷണം മത മേലാധ്യക്ഷന്മാര്ക്ക് മാത്രമായിരുന്നു. ചാന്സലര് സ്ഥാനത്ത് നിന്ന് ഗവര്ണറെ നീക്കാനുള്ള ബില് നിയമസഭ പാസാക്കുന്നത് ഈ മാസം 13 നാണ്. ഇതിന് തൊട്ടടുത്ത ദിവസമാണ് രാജ്ഭവനിലെ ക്രിസ്മസ് വിരുന്ന്.പ്രധാനപ്പെട്ട ആഘോഷ പരിപാടികളുടെ ഭാഗമായി രാജ്ഭവനില് വിരുന്നു സംഘടിപ്പിക്കാറുണ്ട്.
കഴിഞ്ഞ ഓണം വാരാഘോഷത്തിന്റെ യാത്ര ഫ്ലാഗ് ഓഫ് ചെയ്യുന്ന പതിവില് നിന്ന് ഗവര്ണറെ സര്ക്കാര് ഒഴിവാക്കിയതു വാര്ത്തായിയിരുന്നു. ഈ എതിര്പ്പ് നില്ക്കുന്ന സാഹചര്യത്തിലാണ് വിരുന്നിലേക്ക് ഗവര്ണര് മുഖ്യമന്ത്രിയെ ക്ഷണിച്ചിരിക്കുന്നത്.