കാന്തപുരം എ.പി.മുഹമ്മദ് മുസ്ലിയാർ അന്തരിച്ചു
സമസ്ത കേരള ജംഇയ്യത്തുല് ഉലമ സെക്രട്ടറിയും മര്കസ് വൈസ് പ്രസിഡന്റും സീനിയര് മുദരിസ്സുമായ കാന്തപുരം എ പി മുഹമ്മദ് മുസ്ലിയാര് (ചെറിയ എ പി ഉസ്താദ്) അന്തരിച്ചു. ഞായര് പുലര്ച്ചെ 5.45നായിരുന്നു അന്ത്യം. 72 വയസ്സായിരുന്നു. അസുഖബാധിതനായി കോഴിക്കോട് സ്വകാര്യ ആശുപത്രിയില് ചികിത്സയിലായിരുന്നു. ജനാസ നിസ്കാരം രാവിലെ 9 മണിക്ക് കാരന്തൂര് മര്കസ് മസ്ജിദുല് ഹാമിലിയിലും വൈകുന്നേരം 4 മണിക്ക് കരുവമ്പൊയില് ജുമാ മസ്ജിദിലും നടക്കും.
പണ്ഡിതന്, പ്രഭാഷകന്, എഴുത്തുകാരന്, സംഘാടകന് തുടങ്ങിയ രംഗങ്ങളില് സുന്നി സമൂഹത്തിന് ഏറെ പ്രിങ്കരനായിരുന്നു അദ്ദേഹം. കാന്തപുരം എ പി അബൂബക്കര് മുസ്ലിയാരുടെ പ്രഥമവും പ്രധാനിയുമായ ശിഷ്യനും അദ്ദേഹത്തിന്റെ അധ്യാപന മേഖലകളിലെ സന്തത സഹചാരിയുമായിരുന്നു. കോഴിക്കോട് ജില്ലയിലെ കരുവന്പൊയില് ആണ് സ്വദേശം.