മഞ്ചേരിയില് നഗരസഭ കൗണ്സിലറെ വെട്ടിക്കൊലപ്പെടുത്തിയ കേസില് ഒരാള് കൂടി പൊലീസ് പിടിയിൽ
മലപ്പുറം: മഞ്ചേരിയില് നഗരസഭ കൗണ്സിലറെ വെട്ടിക്കൊലപ്പെടുത്തിയ കേസില് ഒരാള് കൂടി പൊലീസ് പിടിയിൽ. നെല്ലിക്കുത്ത് സ്വദേശി ഷംസീറാണ് പൊലീസ് പിടിയിലായത്. പ്രതി അബ്ദുല് മജീദിനെ പൊലീസ് ഇന്നലെ കസ്റ്റഡിയില് എടുത്തിരുന്നു. മറ്റൊരു പ്രതി ഷുഹൈബ് എന്ന കൊച്ചുവിന് വേണ്ടി അന്വേഷണം തുടരുകയാണ്. മജീദും ഷുഹൈബുമാണ് അബ്ദുല് ജലീലിന്്റെ വാഹനത്തെ ബൈക്കില് പിന്തുടര്ന്ന് ആക്രമിച്ചത്.
തലക്ക് വെട്ടേറ്റ് ഗുരുതരമായി പരിക്കേറ്റ് ചികിത്സയിലായിരുന്ന മഞ്ചേരി നഗരസഭാംഗം അബ്ദുള് ജലീല് ബുധനാഴ്ച രാത്രി ഏഴരയോടെയാണ് മരിച്ചത്. ചൊവ്വാഴ്ച രാത്രിയിലാണ് അബ്ദുള് ജലീനെ ബൈക്കിലെത്തിയ രണ്ടംഗ സംഘം വാഹന പാര്ക്കിംഗിനെ ചൊല്ലിയുള്ള തര്ക്കത്തിനിടെ ആക്രമിച്ചത്. പയ്യനാട് വെച്ചാണ് അബ്ദുള് അബ്ദുള് ജലീലിന് വെട്ടറ്റത്. ബൈക്കിലെത്തിയ രണ്ടംഗ സംഘമാണ് ആക്രണം നടത്തിയത്. പാര്ക്കിംഗിനെ ചൊല്ലിയുള്ള ചെറിയ തര്ക്കമാണ് വലിയ ആക്രമത്തിലെത്തിയത്. അബ്ദുല് ജലീലടക്കമുള്ള മൂന്ന് പേര് കാറിലാണ് ഉണ്ടായിരുന്നത്. തര്ക്കത്തിന് പിന്നാലെ കാറിനെ പിന്തുടര്ന്നെത്തിയ ബൈക്ക് യാത്രികരായ രണ്ടംഗ സംഘം ഹെല്മറ്റ് ഏറിഞ്ഞ് കാറിന്റെ പിറകിലെ ചില്ല് ആദ്യം തകര്ത്തു. പിന്നാലെ കാറില് നിന്ന് പുറത്തിറങ്ങിയ അബ്ദുള് ജലീലിനെ വാളെടുത്ത് വെട്ടുകയായിരുന്നു. തലക്കും നെറ്റിയിലുമാണ് ആഴത്തില് മുറിവേറ്റത്.കൗണ്സിലറുടെ കൊലപാതകത്തില് പ്രതിഷേധിച്ച് നഗരസഭാ പരിധിയില് യുഡിഎഫ് ഇന്ന് ഹര്ത്താല് ആചരിക്കുകയാണ്. രാവിലെ ആറ് മുതല് ഉച്ചക്ക് ഒരു മണി വരെയാണ് ഹര്ത്താല്.