പി.സി.ജോര്ജിന് പനി. ഹാജരായിട്ടും ശബ്ദസാമ്പിള് എടുത്തില്ല.
വീണ്ടും ചോദ്യം ചെയ്യും
തിരുവനന്തപുരം: വിദ്വേഷ പ്രസംഗ കേസില് മുന് എംഎല്എ പി സി ജോര്ജിന്റെ ഇന്നത്തെ ചോദ്യം ചെയ്യല് പൂര്ത്തിയായി. പനിയായതിനാല് ഇന്ന് ശബ്ദസാമ്പിള് എടുക്കാനായില്ല. ഒരു ദിവസം കൂടി അതിനായി വരണമെന്ന് പൊലീസ് അറിയിച്ചു. പകപോക്കലാണ് നിലവില് നടക്കുന്നതെന്നും മുഖ്യമന്ത്രിയും വി.ഡി.സതീശനും ചേര്ന്ന് നടത്തിയ ഗൂഢാലോചനയാണ് കേസെന്നും പി.സി.ജോര്ജ് പ്രതികരിച്ചു.
രാവിലെ അഭിഭാഷകര്ക്കൊപ്പമാണ് ചോദ്യം ചെയ്യലിന് പി.സി.ജോര്ജ് എത്തിയത്. പനിയാണെന്നും പക്ഷേ ഹാജരായില്ലെങ്കില് ചോദ്യം ചെയ്യലില് നിന്നുള്ള ഒളിച്ചോടലായി വ്യാഖ്യാനിക്കപ്പെടുമെന്നതിനാലാണ് എത്തിയതെന്നും പിസിയുടെ പ്രതികരണം. ഫോര്ട്ട് എസിയുടെ നേതൃത്വത്തില് 11.30ന് ആരംഭിച്ച ചോദ്യം ചെയ്യല് ഒന്നര മണിക്കൂര് നീണ്ടു. പി.സി.ജോര്ജിന് പനിയായതിനാല് ഇന്ന് ശബ്ദസാമ്പിള് എടുക്കാനായില്ല. ഒരു ദിവസം കൂടി അതിനായി വരണമെന്ന് പൊലീസ് അറിയിച്ചു. ചിത്രാഞ്ജലി സ്റ്റുഡിയോ, ആകാശവാണി എന്നിവിടങ്ങളില് ഇതിനായി സൗകര്യം ഒരുക്കിയിട്ടുണ്ട്.