സജി ചെറിയാന്റെ മന്ത്രിസഭാ പ്രവേശനം ; മുഖ്യമന്ത്രിയുടെ ശുപാര്ശ തള്ളാനാകില്ലെന്ന് ഗവര്ണര്ക്ക് നിയമോപദേശം ലഭിച്ചെന്ന് സൂചന
സജി ചെറിയാന്റെ സത്യപ്രതിജ്ഞയുമായി ബന്ധപ്പെട്ട വിഷയത്തില് ഗവര്ണര് ആരിഫ് മുഹമ്മദ് ഖാന് നിയമോപദേശം ലഭിച്ചു. മുഖ്യമന്ത്രിയുടെ ശുപാര്ശ തള്ളാനാകില്ലെന്നാണ് ഗവര്ണര്ക്ക് ലഭിച്ച നിയമോപദേശം. ആവശ്യമെങ്കില് ഗവര്ണര്ക്ക് മുഖ്യമന്ത്രിയോട് വ്യക്തത തേടാം. സ്റ്റാന്ഡിങ് കൗണ്സിലിനോടായിരുന്നു ഗവര്ണര് നിയമോപദേശം തേടിയത്.
കഴിഞ്ഞ ദിവസം ചേര്ന്ന സിപിഐഎം സെക്രട്ടറിയറ്റ് യോഗത്തിലാണ് സജി ചെറിയാന് മന്ത്രിസഭയിലേക്ക് തിരിച്ചുവരുന്നത് സംബന്ധിച്ച് തീരുമാനം എടുത്തത്. നിയമസഭാ സമ്മേളനത്തിന് മുന്പ് സത്യപ്രതിജ്ഞ നടത്താനാണ് ധാരണ. ഗവര്ണറുടെ സൗകര്യം നോക്കി തിയതി നിശ്ചയിക്കാന് മുഖ്യമന്ത്രിയെ ചുമതലപ്പെടുത്തിയിരുന്നു. സജി ചെറിയാന് കൈകാര്യം ചെയ്തിരുന്ന ഫിഷറീസ്, സിനിമാ സാംസ്കാരികവകുപ്പുകള് തന്നെ നല്കാനായിരുന്നു ധാരണ.