ഡല്ഹിയില് പാര്ക്ക് ചെയ്തിരുന്ന കാറില് മൂന്നുപേരെ മരിച്ച നിലയില് കണ്ടെത്തി
ന്യൂഡല്ഹി: ഡല്ഹിയില് പാര്ക്ക് ചെയ്തിരുന്ന കാറില് മൂന്നുപേരെ മരിച്ച നിലയില് കണ്ടെത്തി. പീരാഗഡി ഫ്ലൈഓവറിന് സമീപമായിരുന്നു സംഭവം. ഒരു സ്ത്രീയും രണ്ടു പുരുഷന്മാരുമാണു കാറിനുള്ളില് ഉണ്ടായിരുന്നത്. വിഷം ഉള്ളില് ചെന്നാണ് മരിച്ചതെന്നാണ് പ്രാഥമിക നിഗമനം.
‘പെരുന്നാളുകള്ക്ക് മൂന്ന് ദിവസമെങ്കിലും അവധി വേണം’, ‘പിണറായിക്ക് സാധാരണ മീനൊന്നും പോര’; ഇന്നത്തെ 5 പ്രധാന വാര്ത്തകള്
സ്ഥലത്ത് കവര്ച്ചയുടേയോ ബലപ്രയോഗത്തിന്റെയോ തെളിവുകള് കണ്ടെത്താനായില്ലെന്നു പൊലീസ് പറഞ്ഞു. ആത്മഹത്യയാണെന്നാണു പ്രാഥമിക നിഗമനം. രണ്ധീര് സിങ് (60), ലക്ഷ്മി സിംഗ് (40), ശിവ് നാരായണ് (46) എന്നിവരാണ് മരിച്ചത്. സംഭവത്തില് ദുരൂഹതയുണ്ടെന്നും മരണകാരണം കണ്ടെത്താന് മൃതദേഹങ്ങള് പോസ്റ്റ്മോര്ട്ടത്തിന് അയച്ചതായും പൊലീസ് പറഞ്ഞു.
ഫാേറന്സിക് സംഘം സ്ഥലത്തെത്തി പരിശോധന നടത്തി. സമീപത്തെ സിസിടിവി ദൃശ്യങ്ങളും പൊലീസ് ശേഖരിച്ചു. കാറിനുള്ളില് മൃതദേഹം കണ്ട നാട്ടുകാരാണ് വിവരം പൊലിസിനെ അറിയിച്ചത്.