എകെജി സെന്റര് ആക്രമണ കേസ് : പ്രതി യൂത്ത് കോണ്ഗ്രസ് നേതാവ് ജിതിന് ഹൈക്കോടതി ജാമ്യം
എകെജി സെന്റര് ആക്രമണക്കേസിലെ ഒന്നാം പ്രതി യൂത്ത് കോണ്ഗ്രസ് നേതാവ് ജിതിന് ജാമ്യം. ഹൈക്കോടതിയാണ് ജിതിന് ഉപാധികളോടെ ജാമ്യം അനുവദിച്ചത്. കഴിഞ്ഞ മാസം 22നാണ് ജിതിനെ ക്രൈംബ്രാഞ്ച് അറസ്റ്റ് ചെയ്തത്.ജസ്റ്റിസ് വിജു എബ്രഹാമാണ് വിധി പറഞ്ഞത്. നേരത്തെ ജിതിന്റെ ജാമ്യാപേക്ഷ തിരുവനന്തപുരം ജുഡീഷ്യല് മജിസ്ട്രേറ്റ് കോടതി തള്ളിയിരുന്നു. എകെജി സെന്ററിലേക്ക് ജിതിന് എറിഞ്ഞത് ബോംബ് തന്നെയാണെന്നായിരുന്നു പ്രോസിക്യൂഷന് ശക്തമായി വാദിച്ചു. രാസവസ്തു എവിടെ നിന്ന് എത്തിച്ചുവെന്ന് കണ്ടെത്തേണ്ടതുണ്ടെന്നും അതിനാല് ജാമ്യം അനുവദിക്കരുതെന്നും പ്രോസിക്യുഷന്റെ വാദിച്ചെങ്കിലും ഹൈക്കോടതി കര്ശന ഉപാധികളോടെ ജാമ്യം അനുവദിക്കുകയായിരുന്നു.