ഗവര്ണര് കടുത്ത നടപടിയിലേക്ക്… 9 വി.സിമാരുടെ കൂട്ടരാജി ആവശ്യപ്പെട്ടു
സംസ്ഥാനത്തെ ഒന്പത് സര്വകലാശാലകളിലെ വിസിമാരോട് രാജി ആവശ്യപ്പെട്ട് ഗവര്ണര് ആരിഫ് മുഹമ്മദ് ഖാന്. കേരള സര്വകലാശാല, എം.ജി സര്വകലാശാല, കുസാറ്റ്, കേരള ഫിഷറീസ് സര്വകലാശാല, കണ്ണൂര് സര്വകലാശാല, സാങ്കേതിക സര്വകലാശാല, ശ്രീ ശങ്കരാചാര്യ സര്വകലാശാല, കാലിക്കറ്റ് സര്വകലാശാല, മലയാളം സര്വകലാശാല എന്നിവിടങ്ങളിലെ വി.സിമാരോടാണ് ചാന്സലര് കൂടിയായ ഗവര്ണര് രാജിവെക്കാന് ആവശ്യപ്പെട്ടിരിക്കുന്നത്.
നാളെ 11.30നുള്ളില് തന്നെ രാജിവയ്ക്കണമെന്നാണ് ഗവര്ണര് വിസിമാരോട് ആവശ്യപ്പെട്ടിരിക്കുന്നത്. സുപ്രീംകോടതിയുടെ വെള്ളിയാഴ്ചത്തെ ഉത്തരവ് അടിസ്ഥാനമാക്കിയാണ് ഗവര്ണറുടെ നിര്ദേശം.