വിവാദ ബി.ബി.സി ഡോക്യുമെന്ററിയില് കേന്ദ്രസര്ക്കാര് നിലപാടിന് പിന്തുണയുമായി അനില് ആന്റണി
ഗുജറാത്ത് കലാപവുമായി ബന്ധപ്പെട്ട് ബി.ബി.സി തയാറാക്കിയ ‘ഇന്ത്യ: ദ മോദി ക്വസ്റ്റിയന്’ എന്ന ഡോക്യുമെന്ററിയുമായി ബന്ധപ്പെട്ട വിവാദത്തില് കേന്ദ്രസര്ക്കാര് നിലപാടിനെ പിന്തുണച്ച് അനില് കെ. ആന്റണി. മുതിര്ന്ന കോണ്ഗ്രസ് നേതാവ് എ.കെ ആന്റണിയുടെ മകനായ അനില് കോണ്ഗ്രസിന്റെ ഡിജിറ്റല് മീഡിയ സെല് കണ്വീനറാണ്. ഇന്ത്യന് സ്ഥാപനങ്ങളെക്കാള് ബി.ബി.സിയുടെയും ബ്രീട്ടീഷ് വിദേശകാര്യസെക്രട്ടറിയായിരുന്ന ജാക്ക് സ്ട്രോയുടെയും കാഴ്ചപ്പാടുകള്ക്ക് പ്രാധാന്യം കല്പ്പിക്കുന്നത് നമ്മുടെ പരമാധികാരത്തെ ബാധിക്കുമെന്ന് അനില് കെ. ആന്റണി ട്വീറ്റ് ചെയ്തു.