മാനനഷ്ടക്കേസില് രാഹുല് ഗാന്ധിക്ക് തിരിച്ചടി. കേസില് കുറ്റക്കാരനെന്ന് സൂറത്ത് കോടതി
മാനനഷ്ടക്കേസില് കോണ്ഗ്രസ് നേതാവും എംപിയുമായ രാഹുല് ഗാന്ധി കുറ്റക്കാരനെന്ന് സൂറത്ത് സിജെഎം കോടതി. 2019ല് കര്ണാടകത്തില് തെരഞ്ഞെടുപ്പ് റാലിക്കിടെ രാഹുല് നടത്തിയ പരാമര്ശത്തെ തുടര്ന്നാണ് കേസ്.
2019ലെ പ്രസംഗത്തില് മോദി സമുദായത്തെ രാഹുല് ഗാന്ധി അവഹേളിച്ചെന്നാണ് കേസ്. ബിജെപി എംഎല്എ പൂര്ണേഷ് മോദിയാണ് പരാതിക്കാരന്. ശിക്ഷയെന്താണെന്ന് കോടതി പ്രഖ്യാപിച്ചിട്ടില്ല. ഇക്കാര്യത്തില് വാദം നടക്കുകയാണ്.’എല്ലാ കള്ളന്മാരുടെയും പേരിനൊപ്പം മോദിയെന്ന് വരുന്നതെങ്ങനെ’ എങ്ങനെയെന്നായിരുന്നു രാഹുലിന്റെ പരാമര്ശം. സാമ്പത്തിക തട്ടിപ്പ് കേസില് പ്രതികളായ നീരവ് മോദി, ലളിത് മോദി എന്നിവരെയാണ് രാഹുല് ഉദ്ദേശിച്ചതെന്നായിരുന്നു അദ്ദേഹത്തിന്റെ അഭിഭാഷകരുടെ വാദം. എന്നാല് ഈ വാദങ്ങള് കോടതി അംഗീകരിച്ചില്ല.