രാജ്യത്ത് 2000 രൂപയുടെ നോട്ടുകള് നിരോധിച്ചു, ഇതെന്ത് മറിമായമെന്ന് ജനങ്ങള്
ഡല്ഹി: രാജ്യത്ത് വീണ്ടും ഒരു നോട്ട് നിരോധനം കൂടി. 2000 രൂപയുടെ നോട്ടുകളാണ് വിനിമയത്തില്നിന്ന് പിന്വലിച്ചത്.റിസര്വ് ബാങ്ക് ഓഫ് ഇന്ത്യയുടേതാണ് (ആര്ബിഐ) തീരുമാനം. നിലവില് ഉപയോഗത്തിലുള്ള നോട്ടുകള്ക്ക് മൂല്യം ഉണ്ടായിരിക്കുമെന്ന് ആര്ബിഐ അറിയിച്ചു. ഇവ തുടര്ന്നും ഉപയോഗിക്കാം. ഇനിമുതല് 2000 രൂപ നോട്ട് വിതരണം ചെയ്യരുതെന്ന് ബാങ്കുകളോട് ആര്ബിഐ നിര്ദേശിച്ചുഇപ്പോള് ഉപയോഗിക്കുന്ന 2000 രൂപയുടെ നോട്ടുകള് 2023 സെപ്റ്റംബര് 30നകം മാറ്റിയെടുക്കണം. ഇതിനായി മേയ് 23 മുതല് സൗകര്യമൊരുക്കും. 2000 രൂപയുടെ പരമാവധി 10 നോട്ടുകള് വരെ ഒരേസമയം ഏതു ബാങ്കില്നിന്നും മാറ്റിയെടുക്കാമെന്നാണ് അറിയിപ്പ്. 2000 രൂപ നോട്ടുകള് മാറ്റിയെടുക്കാനോ ബാങ്കുകളില് നിക്ഷേപിക്കാനോ ഉള്ള സംവിധാനമാണ് ക്രമീകരിക്കുക.
2016 നവംബര് എട്ടിന് പ്രധാനമന്ത്രി നരേന്ദ്ര മോദി നടത്തിയ നോട്ട് നിരോധനത്തിന്റെ തുടര്ച്ചയായാണ് ഇപ്പോള് ഉപയോഗത്തിലുള്ള 2000 രൂപ നോട്ടുകള് ആര്ബിഐ പുറത്തിറക്കിയത്. അന്ന് 500, 1000 രൂപാ നോട്ടുകളാണ് പ്രധാനമന്ത്രി അപ്രതീക്ഷിത നീക്കത്തിലൂടെ നിരോധിച്ചത്. 500 രൂപാ നോട്ടിനു പകരം പുതിയ 500ന്റെ നോട്ടും നിരോധിക്കപ്പെട്ട 1000 രൂപാ നോട്ടിനു പകരം 2000 രൂപാ നോട്ടുമാണ് അന്ന് പുറത്തിറക്കിയത്.