മദനിയുടെ ആരോഗ്യനില അതീവ ഗുരുതരം, രണ്ട് കിഡ്നികളും തകരാറില്
കൊച്ചി: പിഡിപി ചെയര്മാന് അബ്ദുള് നാസര് മഅദനി കൊച്ചിയില് ചികിത്സയില് തുടരുകയാണ്. ആരോഗ്യ സ്ഥിതി മോശമായതിനാല് കൊച്ചിയിലെ മെഡിക്കല് ട്രസ്റ്റ് ആശുപത്രിയില് ചികിത്സയിലാണ്.
ബെംഗളൂരുവില് നിന്ന് നാട്ടിലേക്ക് വരുന്നതിനിടെയാണ് കൊച്ചിയില് വെച്ച് ശാരീരിക ബുദ്ധിമുട്ട് അനുഭവപ്പെട്ടത്. ഉയര്ന്ന രക്ത സമ്മര്ദ്ദവും രക്തത്തില് ക്രിയാറ്റിന്റെ അളവ് കൂടിയതുമാണ് ആരോഗ്യ സ്ഥിതി മോശമാക്കിയത് കഴിഞ്ഞ തിങ്കളാഴ്ച രാത്രിയാണ് അബ്ദുല് നാസര് മദനിയെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചത്. ബംഗളൂരുവില് നിന്ന് പിതാവിനെ കാണാന് ജാമ്യ വ്യവസ്ഥയില് ഇളവ് ലഭിച്ചതിനെ തുടര്ന്നാണ് മദനിക്ക് കേരളത്തില് എത്താന് അവസരം ലഭിച്ചത്. 12 ദിവസത്തേക്കാണ് സന്ദര്ശനാനുമതി. ആരോഗ്യനില ഗുരുതരമായതിനാല് പിതാവിനെ കാണാന് കൊല്ലത്തേക്ക് എപ്പോള് പോകാനാകുമെന്നത് അനിശ്ചിതത്വത്തിലാണ്.
രാജ്യത്തിന്റെ നീതി സംവിധാനത്തിന് തന്നെ അപമാനമാണ് തന്നെ വിചാരണ തടവുകാരനാക്കുന്നതെന്ന് മദനി കേരളത്തിലേക്കുള്ള യാത്രയ്ക്ക് മുന്പായി പ്രതികരിച്ചിരുന്നു. ആസൂത്രിതമായി തന്നെ കുടുക്കുകയായിരുന്നു. രാജ്യത്തിന്റെ നീതി സംവിധാനത്തിന് തന്നെ അപമാനമാണ് ദീര്ഘമായ കാലം വിചാരണതടവുകാരായി വയ്ക്കുകയും ജീവഛവങ്ങളായി കഴിയുമ്ബോള് നിരപരാധികളെന്ന് പറഞ്ഞ് വിട്ടയയ്ക്കുകയും ചെയ്യുന്നത്. ഇതേ കുറിച്ച് ഉത്തരവാദിത്തപ്പെട്ടവര് പുനര്വിചിന്തനം നടത്തണമെന്നും മദനി കഴിഞ്ഞ ദിവസം പറഞ്ഞിരുന്നു.ചികിത്സയില് കഴിയുന്ന പിതാവിനെ കാണാന് അനുമതി ലഭിച്ച മഅദനി കൊച്ചിയില് എത്തിയപ്പോഴാണ് സുഖമില്ലാതായത്