ഗവര്ണര്ക്കെതിരെ ആളെവിട്ടത് മുഖ്യമന്ത്രി തന്നെന്ന് : പ്രതിപക്ഷ നേതാവ് വി ഡി സതീശന് രംഗത്ത്
തിരുവനന്തപുരം: എസ് എഫ് ഐയുടെ കരിങ്കൊടി പ്രതിഷേധത്തിനെതിരെ ഗവര്ണര് ഔദ്യോഗിക വാഹനത്തില് നിന്നും പുറത്തിറങ്ങി പ്രതികരിച്ച സംഭവത്തില് പ്രതികരണവുമായി പ്രതിപക്ഷ നേതാവ് വി ഡി സതീശന് രംഗത്ത്. തന്നെ കൈകാര്യം ചെയ്യാന് മുഖ്യമന്ത്രി ക്രിമനലുകളെ അയച്ചു എന്ന് ഗവര്ണര് ആരോപിക്കുന്നത് സംസ്ഥാന ചരിത്രത്തില് ആദ്യമാണെന്ന് സതീശന് ചൂണ്ടികാട്ടി.
മുഖ്യമന്ത്രിയുടെ അറിവില്ലാതെ എസ് എഫ് ഐ പ്രവര്ത്തകര് ഗവര്ണറെ തുടര്ച്ചയായി കരിങ്കൊടി കാണിക്കില്ലെന്ന് വ്യക്തമാണെന്നും അദ്ദേഹം ചൂണ്ടികാട്ടി. നവകേരള ബസിനെതിരെ കരിങ്കൊടി പ്രതിഷേധമടക്കം നടത്തിയവര്ക്കെതിരെ വധശ്രമത്തിന് കേസെടുത്ത പൊലീസ്, ഗവര്ണര്ക്കെതിരായ പ്രതിഷേധത്തില് എസ് എഫ് ഐ പ്രവര്ത്തകര്ക്കെതിരെ വധശ്രമത്തിന് കേസെടുക്കുമോയെന്ന് മുഖ്യമന്ത്രി വ്യക്തമാക്കണമെന്നും പ്രതിപക്ഷ നേതാവ് ആവശ്യപ്പെട്ടു.