നിലമ്പൂര് ഉപതെരഞ്ഞെടുപ്പ്: 24 മണിക്കൂറിനുള്ളില് സ്ഥാനാര്ഥിയെ പ്രഖ്യാപിക്കുമെന്ന് വിഡി സതീശന്
നിലമ്പൂര് ഉപതെരഞ്ഞെടുപ്പില് UDF സുസജ്ജം 24 മണിക്കൂറിനുള്ളില് സ്ഥാനാര്ഥിയെ പ്രഖ്യാപിക്കുമെന്ന് പ്രതിപക്ഷ നേതാവ് വി ഡി സതീശന്. അന്വര് UDF ന്റെ ഭാഗമാകുന്നത് എങ്ങനെയെന്ന് ഉടന് പ്രഖ്യാപിക്കും. അന്വര് UDF ന്റെ കൂടെയുണ്ടാകും.കഴിഞ്ഞ തവണ യുഡിഎഫിന്റെ കൈയില്നിന്നും നഷ്ടപ്പെട്ട സീറ്റാണ് നിലമ്പൂര് എന്നത് ബോധ്യമുണ്ടെന്നും വലിയ ഭൂരിപക്ഷത്തോടുകൂടി ഇത്തവണ ആ സീറ്റ് തിരിച്ചുപിടിക്കും.
തിരഞ്ഞെടുപ്പ് പ്രഖ്യാപനം വന്നാല് 24 മണിക്കൂറിനകം സ്ഥാനാര്ഥിയെ പ്രഖ്യാപിക്കുക എന്നതാണ് യുഡിഎഫിന്റെ രീതിയെന്നും ഇതില് ഇത്തവണയും മാറ്റം വരില്ല. തിരഞ്ഞെടുപ്പ് കമ്മിറ്റി അംഗങ്ങളുമായി സംസാരിക്കുക, എല്ലാ നേതാക്കളുമായും സംസാരിക്കുക എന്നീ കാര്യങ്ങള് നടത്തേണ്ടതുണ്ട്.
ഞാനും കെപിസിസി പ്രസിഡന്റും അത്തരം കാര്യങ്ങള് ചെയ്തുകൊണ്ടിരിക്കുകയാണ്. അതുകഴിഞ്ഞാലുടന് സ്ഥാനാര്ഥി പ്രഖ്യാപനം ഉണ്ടാകും,’ വി.ഡി. സതീശന് പറഞ്ഞു. പ്രചാരണത്തില് സര്ക്കാരിനെ വിചാരണ ചെയ്യും.
സിപിഐഎമ്മിന്റെ സ്ഥാനാര്ഥി പാര്ട്ടി ചിഹ്നത്തില് ഉണ്ടാകുമോ എന്ന് ചോദിക്കണം. പാലക്കാടിലെ ഗതികേട് സിപി ഐഎമ്മിന് നിലമ്പൂരിലും ഉണ്ടാകുമോ എന്നറിയില്ല. നിയമസഭാ തെരഞ്ഞെടുപ്പിന്റെ സെമിഫൈനലാണിതെന്നും അദ്ദേഹം വ്യക്തമാക്കി.
തൃശൂര് ചെറുതുരുത്തിയില് ഓടിക്കൊണ്ടിരുന്ന ട്രെയിനിന് മുകളിലേക്ക് മരം വീണു