തമിഴ്നാട്ടില് രാഷ്ട്രീയ അട്ടിമറി: ഒ. പനീര്ശെല്വം ഡിഎംകെയില് ചേര്ന്നു
തിരഞ്ഞെടുപ്പിന് മുന്നോടിയായി തമിഴ്നാട്ടില് നിര്ണായക രാഷ്ട്രീയ നീക്കം. മുന് മുഖ്യമന്ത്രി ഒ. പനീര്ശെല്വം ദ്രാവിഡ മുന്നേറ്റ കഴകംയില് ചേര്ന്നു. മന്ത്രി ശേഖര് ബാബുവിനൊപ്പം ഡിഎംകെ ആസ്ഥാനത്തെത്തി അംഗത്വം സ്വീകരിച്ച ശേഷമാണ് അദ്ദേഹം പാര്ട്ടിയില് ചേര്ന്നത്.
ഡിഎംകെയില് ചേര്ന്നതിനു പിന്നാലെ മുഖ്യമന്ത്രി എം. കെ. സ്റ്റാലിന്നെ ഒ. പനീര്ശെല്വം വാനോളം പുകഴ്ത്തി. സ്റ്റാലിന് ദളപതിയാണ്; ഇനി തന്റെ രാഷ്ട്രീയ യാത്ര ദളപതിയുടെ വഴിയിലൂടെയായിരിക്കും എന്നും അദ്ദേഹം പറഞ്ഞു. സ്റ്റാലിനെ കഴിഞ്ഞ ദിവസം നേരില് കണ്ടതോടെ ഒപിഎസ് ഡിഎംകെയില് ചേരുമെന്ന അഭ്യൂഹങ്ങള് ശക്തമായിരുന്നു.
തീരുമാനം ഏറെ ആലോചിച്ചെടുത്തതാണെന്ന് അംഗത്വം സ്വീകരിച്ച ശേഷം മാധ്യമങ്ങളോട് പനീര്ശെല്വം വ്യക്തമാക്കി. അണ്ണാ ഡിഎംകെയ്ക്ക് ഇനി ഭാവിയില്ല. തമിഴ്നാട്ടില് ഡിഎംകെയെ എതിര്ക്കാന് ഇന്നൊരു ശക്തമായ പാര്ട്ടിയും ഇല്ല. അഞ്ചുവര്ഷത്തെ ഭരണത്തിലൂടെ മുഖ്യമന്ത്രി കൈവരിച്ച നേട്ടങ്ങള് ജനങ്ങളുടെ മനസ്സുകളില് ആഴത്തില് പതിഞ്ഞിട്ടുണ്ട് എന്നും അദ്ദേഹം പറഞ്ഞു.
ഇതിനിടെ, നിയമസഭാ തിരഞ്ഞെടുപ്പില് തേനിയിലെ ബോഡിനായ്ക്കന്നൂര് നിയോജകമണ്ഡലത്തില്നിന്ന് പനീര്ശെല്വം ഡിഎംകെ സ്ഥാനാര്ഥിയായി മത്സരിക്കുമെന്ന വിവരവും പുറത്തുവന്നു. ഒപിഎസ് പാര്ട്ടിയില് ചേര്ന്നതോടെ തമിഴ്നാട്ടിന്റെ തെക്കന് മേഖലയിലെ സ്വാധീനം കൂടുതല് ശക്തിപ്പെടുത്താമെന്നാണു ഡിഎംകെയുടെ കണക്കുകൂട്ടല്.