മുഖ്യമന്ത്രി വി.ഡി. സതീശൻയുടെ സെക്രട്ടറിയായി മുൻ തെരഞ്ഞെടുപ്പ് കമ്മീഷൻ ഉദ്യോഗസ്ഥനായ ഡോ. രത്തൻ യു

ദില്ലി: മുഖ്യമന്ത്രി വി.ഡി. സതീശൻയുടെ സെക്രട്ടറിയായി മുൻ തെരഞ്ഞെടുപ്പ് കമ്മീഷൻ ഉദ്യോഗസ്ഥനായ ഡോ. രത്തൻ യു. ഖേൽക്കർയെ നിയമിച്ചതുമായി ബന്ധപ്പെട്ട വിവാദത്തിൽ പ്രതികരിക്കാൻ തയ്യാറാകാതെ എഐസിസി ജനറൽ സെക്രട്ടറി കെ.സി. വേണുഗോപാൽ. ഖേൽക്കറുടെ നിയമനം ഭരണപരമായ വിഷയമാണെന്നും അത് ഭരണകൂടത്തിന്റെ തീരുമാനമാണെന്നും ഇക്കാര്യത്തിൽ വ്യക്തിപരമായ അഭിപ്രായമില്ലെന്നും അദ്ദേഹം പറഞ്ഞു.

ഇതിനിടെ, നിയമന വിവാദം ദേശീയതലത്തിൽ ചർച്ചയാക്കി ബിജെപി രംഗത്തെത്തി. ബിജെപി നേതാവ് അമിത് മാളവ്യ, രാഹുൽ ഗാന്ധിക്കെതിരെ രൂക്ഷ വിമർശനവുമായി രംഗത്തെത്തി. ബംഗാളിലെ സമാന നിയമനങ്ങളെ വിമർശിച്ചിരുന്ന രാഹുൽ ഗാന്ധി കേരളത്തിലെ വിഷയത്തിൽ മൗനം പാലിക്കുകയാണെന്നാണ് ബിജെപിയുടെ ആരോപണം.

രത്തൻ ഖേൽക്കറുടെ നിയമനം സീനിയോറിറ്റി മാനദണ്ഡങ്ങൾ മറികടന്നതാണെന്നും ബിജെപി വക്താക്കൾ ആരോപിച്ചു. പ്രതിപക്ഷ വിമർശനങ്ങൾക്കിടെ ഡോ. രത്തൻ ഖേൽക്കർ ഇന്ന് മുഖ്യമന്ത്രിയുടെ സെക്രട്ടറിയായി ചുമതലയേൽക്കും. മുഖ്യമന്ത്രിയുടെ പ്രത്യേക നിർദേശപ്രകാരമാണ് അവധി ദിനത്തിൽ തന്നെ അദ്ദേഹം ചുമതലയേൽക്കുന്നത്.

മുൻ മുഖ്യ തെരഞ്ഞെടുപ്പ് ഓഫീസറായിരുന്ന ഖേൽക്കറെ മുഖ്യമന്ത്രിയുടെ സെക്രട്ടറിയാക്കിയതിനെതിരെ സാമൂഹിക മാധ്യമങ്ങളിലടക്കം ശക്തമായ വിമർശനങ്ങൾ ഉയർന്നിരുന്നു. സിപിഎം നേതാവ് പി. രാജീവ് ഉൾപ്പെടെയുള്ള നേതാക്കളും നിയമനത്തെ ചോദ്യം ചെയ്ത് രംഗത്തെത്തി. യുഡിഎഫിനെ ജയിപ്പിച്ചതിന്റെ “ഉപകാരസ്മരണം” എന്ന തരത്തിലുള്ള ആരോപണങ്ങളും ഉയരുന്നുണ്ട്.

എന്നാൽ നിയമനത്തിൽ രാഷ്ട്രീയ ലക്ഷ്യമില്ലെന്നും കാര്യക്ഷമതയുള്ള ഉദ്യോഗസ്ഥനെന്ന നിലയിലാണ് ഖേൽക്കറെ തെരഞ്ഞെടുത്തതെന്നും മന്ത്രി കൂടിയായ സണ്ണി ജോസഫ് പ്രതികരിച്ചു.