ഷാങ്ഹായ് ഉച്ചകോടിക്ക് പിന്നാലെ റഷ്യയില് നിന്ന് ഇന്ത്യയ്ക്ക് വലിയ ഓഫര്; ക്രൂഡ് ഓയില് വില കുറച്ചു
മോസ്കോ: ഷാങ്ഹായ് ഉച്ചകോടിക്ക് പിന്നാലെ ഇന്ത്യയ്ക്ക് വമ്പന് ഓഫറുമായി റഷ്യ. ക്രൂഡ് ഓയില് വില കുറച്ചു. ബാരലിന് നാല് ഡോളര് വരെയാവും കുറയുക. ഈ മാസം പ്രതിദിനം ഇന്ത്യ മൂന്ന് ലക്ഷം ബാരല് ക്രൂഡ് ഓയില് വാങ്ങുമെന്നാണ് റിപ്പോര്ട്ട്.
കഴിഞ്ഞയാഴ്ച റഷ്യയില് നിന്ന് എണ്ണ വാങ്ങുന്നതിനുള്ള പിഴയായി അമേരിക്ക ഇന്ത്യയ്ക്ക് 50 ശതമാനം ഇറക്കുമതി തീരുവ ചുമത്തിയിരുന്നു. ഇതിനു പിന്നാലെയാണ് റഷ്യയുടെ നടപടി. ഇന്ത്യയടക്കമുള്ള രാജ്യങ്ങളില് നിന്ന് എണ്ണ വിറ്റ് നേടുന്ന പണമാണ് റഷ്യ യുക്രെയ്ന് യുദ്ധത്തിന് ഉപയോഗിക്കുന്നതെന്നായിരുന്നു യുഎസ് പ്രസിഡന്റ് ഡോണള്ഡ് ട്രംപിന്റെ ആരോപണം.
ചൈനയില് നടന്ന ഷാങ്ഹായ് ഉച്ചകോടിയില് റഷ്യയുമായി ഇന്ത്യക്ക് പ്രത്യേക ബന്ധമുണ്ടെന്നായിരുന്നു പ്രധാനമന്ത്രി നരേന്ദ്ര മോദിയുടെ പ്രതികരണം. ചൈനീസ് പ്രസിഡന്റ് ഷി ജിന്പിങുമായും മോദി കൂടിക്കാഴ്ച നടത്തിയിരുന്നു.