പ്രശസ്ത നടന് കൈനകരി തങ്കരാജ് അന്തരിച്ചു
പ്രശസ്ത നാടക-സിനിമാ നടന് കൈനകരി തങ്കരാജ് അന്തരിച്ചു. 76 വയസായിരുന്നു. കരള് രോഗബാധയെ തുടര്ന്ന് ഏറെ നാളായി അദ്ദേഹം ചികിത്സയിലായിരുന്നു. കേരളപുരത്തെ സ്വവസതിയിലായിരുന്നു അന്ത്യം. സംസ്കാരം നാളെ രാവിലെ 9 ന് വീട്ടുവളപ്പില് . നാടക പ്രവര്ത്തകന് കൃഷ്ണന്കുട്ടി ഭാഗവതരുടെ മകനാണ്.10,000 വേദികളില് പ്രധാന വേഷങ്ങളില് തിളങ്ങിയ ആപൂര്വ്വം നാടകനടന്മാരില് ഒരാളായ തങ്കരാജ്, കെഎസ്ആര്ടിസിയിലെയും കയര്ബോര്ഡിലെയും ജോലി വേണ്ടെന്ന് വച്ചാണ് അഭിനയ ജീവിതത്തിലേക്ക് കടന്നുവന്നത്.പ്രേം നസീര് നായകനായി എത്തിയ ആനപ്പാച്ചന് ആയിരുന്നു ആദ്യ അഭിനയിച്ച ചിത്രം. തുടര്ന്ന് 35 ഓളം ചിത്രങ്ങളില് വേഷമിട്ടു.അച്ചാരം അമ്മിണി ഓശാരം ഓമന,ഇതാ ഒരു മനുഷ്യന്, എന്നീ ചിത്രങ്ങള്ക്ക് പുറമെ, അണ്ണന് തമ്പി, ഈ മ യൗ, ആമേന്, ഹോം എന്നീ ചിത്രങ്ങളിലെ കഥാപാത്രങ്ങളെ മികവുറ്റതാക്കി.