മുഖ്യമന്ത്രിയുടെ മകള് ഉള്പ്പെട്ട മാസപ്പടിക്കേസില് കുഴല്നാടന്റെ ഹര്ജി ഇന്ന് പരിഗണിക്കും
മുഖ്യമന്ത്രിയുടെ മകൾ ഉൾപ്പെട്ട മാസപ്പടിക്കേസില് അന്വേഷണം വേണമെന്ന മാത്യു കുഴൽ നാടന്റെ ഹർജി ഹൈക്കോടതി ഇന്ന് വീണ്ടും പരിഗണിക്കും. കഴിഞ്ഞ തവണ കേസ് പരിഗണിച്ച കോടതി മുഖ്യമന്ത്രിയ്ക്കും മകൾക്കും സിഎംആർഎൽ അടക്കമുള്ള എതിർ കക്ഷികൾക്കും നോട്ടീസയച്ചിരുന്നു.
മുഖ്യമന്ത്രിക്കും മകള് വീണ വിജയനുമെതിരേ വിജിലന്സ് അന്വേഷണം ആവശ്യപ്പെട്ടുകൊണ്ട് നല്കിയ ഹര്ജി വിജിലന്സ് കോടതി തള്ളിയിരുന്നു. ഈ വിധി പുനഃപരിശോധിക്കണമെന്ന് ആവശ്യപ്പെട്ടാണ് മാത്യു കുഴല്നാടന് ഹൈക്കോടതിയെ സമീപിച്ചത്. ഹര്ജിയില് ആരോപണങ്ങള് മാത്രമാണെന്നും രേഖകള് ഹാജരാക്കുന്നതില് പരാതിക്കാരന് പരാജയപ്പെട്ടുവെന്നുമായിരുന്നു ഹര്ജി തള്ളിക്കൊണ്ട് വിജിലന്സ് കോടതി ചൂണ്ടിക്കാട്ടിയത്.
ആരോപണങ്ങള്ക്ക് പ്രഥമദൃഷ്ട്യാ തെളിവില്ലെന്നും ഹര്ജി അഴിമതി നിരോധന നിയമത്തിന്റെ പരിധിയില് വരില്ലെന്നും വിധിന്യായത്തില് പറഞ്ഞിരുന്നു. ഹര്ജി രാഷ്ട്രീയ പ്രേരിതമായ ആരോപണം എന്ന വാദം ശക്തിപ്പെടുത്തുന്നത് ആണെന്നും കോടതി വിമര്ശിച്ചിരുന്നു. ഇതോടെയാണ് കുഴല്നാടന് ഹൈക്കോടതിയെ സമീപിച്ചത്.