സംസ്ഥാനത്ത് സ്വതന്ത്രവും നീതിയുക്തവുമായ തിരഞ്ഞെടുപ്പ് നടന്നില്ലെന്ന് പ്രതിപക്ഷ നേതാവ്
തിരുവനന്തപുരം : സംസ്ഥാനത്ത് സ്വതന്ത്രവും നീതിയുക്തവുമായ തിരഞ്ഞെടുപ്പ് നടന്നില്ലെന്ന് പ്രതിപക്ഷ നേതാവ് വി.ഡി സതീശന്. കനത്ത ചൂടില് പല ബൂത്തുകളിലും വോട്ടര്മാര് മണിക്കൂറുകള് കാത്ത് നിന്ന ശേഷം തിരക്ക് കാരണം മടങ്ങി പോകേണ്ടി വന്നിട്ടുണ്ട്. പലര്ക്കും വോട്ട് ചെയ്യാന് അവസരം ലഭിച്ചില്ലെന്നും . ആറ് മണിക്ക് മുന്പ് പോളിംഗ് സ്റ്റേഷനില് എത്തിയിട്ടും വോട്ട് ചെയ്യാനാകാത്ത സാഹചര്യവും പലയിടങ്ങളിലും ഉണ്ടായതായും സതീശന് ആരോപിച്ചു.
പല ബൂത്തുകളിലും മന്ദഗതിയിലാണ് വോട്ടിംഗ് നടന്നത്. നാലര മണിക്കൂര് വരെ ചില വോട്ടര്മാര്ക്ക് കാത്ത് നില്ക്കേണ്ടി വന്നതായി റിപ്പോര്ട്ടുണ്ട്. ഉദ്യോഗസ്ഥതലത്തില് ഗുരുതരമായ അനാസ്ഥയുണ്ടായെന്ന് സംശയിക്കാവുന്ന തരത്തിലാണ് വോട്ടിംഗ് നടന്നത്. പോളിംഗ് ശതമാനം കുറയാന് കാരണമായതും ഉദ്യോഗസ്ഥ തലത്തിലെ മൊല്ലപോക്കാണെന്നും സതീശന് വിമര്ശിച്ചു. വോട്ടിംഗ് യന്ത്രങ്ങള്ക്ക് തകരാര് കണ്ടെത്തിയ ബൂത്തുകളില് പോളിംഗ് സമയം ദീര്ഘിപ്പിച്ച് നല്കിയില്ല. സമീപ കാലത്തെങ്ങും ഇത്രയും മോശപ്പെട്ട രീതിയില് തിരഞ്ഞെടുപ്പ് ക്രമീകരണങ്ങള് ഉണ്ടായിട്ടില്ല. ഇതേക്കുറിച്ച് അന്വേഷണം വേണമെന്നും പ്രതിപക്ഷ നേതാവ് ആവശ്യപ്പെട്ടു.