വിദ്വേഷ പ്രസംഗത്തിന് പി.സി.ജോര്ജ് അറസ്റ്റില്
അനന്തപുരി ഹിന്ദു മഹാസമ്മേളനത്തില് നടത്തിയ പ്രസംഗത്തിലെ വിവാദ പരാമര്ശങ്ങള്ക്ക് പി.സി.ജോര്ജ് അറസ്റ്റിലായി.
തിരുവനന്തപുരം നന്ദാവനം എ.ആര് ക്യാമ്പില് വെച്ചാണ് പൊലീസ് അറസ്റ്റു രേഖപ്പെടുത്തിയത്. കമ്മീഷണര് സ്പര്ജന്കുമാറിന്റെ നേതൃത്വത്തിലുള്ള പൊലീസ് സംഘത്തിന്റെ ചോദ്യം ചെയ്യലിന് ശേഷമായിരുന്നു അറസ്റ്റ്. അറസ്റ്റിന് ശേഷം വഞ്ചിയൂരിലുള്ള മജിസ്ട്രേറ്റിന്റെ വീട്ടില് ഹാജരാക്കും. പി.സി ജോര്ജിനെ കസ്റ്റഡിയിലെടുത്തതിന് തൊട്ടുപിന്നാലെ എ.ആര് ക്യാമ്പിന് പുറത്ത് വലിയ പ്രതിഷേധമാണ് ഉയര്ന്നത്. ഡി.വൈ.എഫ്.ഐ പ്രവര്ത്തകര് കരിങ്കൊടിയുമായി പി.സി ജോര്ജിനെ കൊണ്ടുപോയ വാഹനത്തിന് മുന്നില് പ്രതിഷേധിച്ചു. കേന്ദ്ര സഹ മന്ത്രി വി മുരളീധരന് പി.സി ജോര്ജിനെ കാണാനെത്തിയെങ്കിലും കാണാനുള്ള അനുമതി പൊലീസ് നിഷേധിച്ചു.