രാഹുല്ഗാന്ധിയെ എന്ഫോഴ്സ്മെന്റ് ഡയറക്ട്രേറ്റ് നാളെ വീണ്ടും ചോദ്യം ചെയ്യും
ദില്ലി : നാഷണല് ഹെറാള്ഡ് കേസില് കോണ്ഗ്രസ് ജനറല് സെക്രട്ടറി രാഹുല്ഗാന്ധിയെ എന്ഫോഴ്സ്മെന്റ് ഡയറക്ട്രേറ്റ് നാളെ വീണ്ടും ചോദ്യം ചെയ്യും.
രാവിലെ പതിനൊന്ന് മണിയോടെ ഹാജരാകാനാണ് നോട്ടീസ്. സോണിയ ഗാന്ധിയുടെ അനാരോഗ്യത്തെ തുടര്ന്ന് വെള്ളിയാഴ്ച നടക്കേണ്ടിയിരുന്ന ചോദ്യം ചെയ്യല് രാഹുലിന്റെ അഭ്യര്ത്ഥനയെ തുടര്ന്ന് നാളത്തേക്ക് മാറ്റുകയായിരുന്നു. കഴിഞ്ഞയാഴ്ച മൂന്ന് ദിവസം തുടര്ച്ചയായി ചോദ്യം ചെയ്തെങ്കിലും കൂടുതല് വിവരങ്ങള് ലഭ്യമാകാനുണ്ടെന്നാണ് ഇഡി വൃത്തങ്ങള് പറയുന്നത്.
അതേ സമയം രാഹുല് ഗാന്ധിയെ വീണ്ടും ചോദ്യം ചെയ്യുമ്പോൾ പ്രതിഷേധം കടുപ്പിക്കാനാണ് കോണ്ഗ്രസിന്റെ തീരുമാനം. പ്രതിഷേധത്തില് പങ്കെടുക്കാന് മുഴുവന് എം.പി മാരും ദില്ലിയിൽ എത്തിയിട്ടുണ്ട്. 2012 ല് മുന് എംപി സുബ്രഹ്മണ്യന് സ്വാമി നല്കിയ പരാതിയിലാണ് പത്ത് വര്ഷങ്ങള്ക്കിപ്പുറം ഇഡി തുടര്നടപടി സ്വീകരിക്കുന്നത്. നാഷണല് ഹെറാള്ഡ് ദിനപത്രത്തിന്റെ ഉടമസ്ഥരായ അസോസിയേറ്റഡ് ജോണല്സ് ലിമിറ്റഡ് എന്ന കമ്ബനിയെ സോണിയ ഗാന്ധിയും രാഹുല് ഗാന്ധിയും ഡയറക്ടര്മാരായ യങ് ഇന്ത്യ എന്ന കമ്പനി ഏറ്റെടുത്തതില് കള്ളപണ ഇടപാട് നടന്നുവെന്നണ് ഇ ഡി സംശയിക്കുന്നത്.