ശ്രീലങ്കയില് പ്രക്ഷോഭം പടരുന്നു രാജ്യവ്യാപക കര്ഫ്യൂ തുടരുന്നു
കൊളംബോ: ശ്രീലങ്കയില് പ്രക്ഷോഭം പടരുന്നു. തെരുവിലിറങ്ങിയ ജനം പലയിടത്തും പ്രതിഷേധം കടുപ്പിച്ചു . പല സ്ഥലങ്ങളിലും തീയിട്ടു, നെഗോമ്ബോ പട്ടണത്തില് പൊലീസും ജനങ്ങളും ഏറ്റുമുട്ടി. രാഷ്ട്രീയ നേതാക്കളുടെ വീടുകള് ജനങ്ങള് വളഞ്ഞു.മുന് മന്ത്രി ഗാമിനി ലോകഗിന്റെ വീടിന് തീയിടാനും ശ്രമമുണ്ടായി. ഇതിനിടെ സര്വകക്ഷി സര്ക്കാരില് ചേരില്ലെന്ന് പ്രതിപക്ഷം വ്യക്തമാക്കി.ജനകീയ പ്രക്ഷോഭങ്ങള്ക്ക് തടയിടുന്നതിന്റെ ഭാഗമായി പ്രഖ്യാപിച്ച രാജ്യവ്യാപക കര്ഫ്യൂ തുടരുകയാണ്. തലസ്ഥാനമായ കൊളംബോയില് അടക്കം പ്രക്ഷോഭം ശക്തിപ്പെട്ടതിന് പിന്നാലെയാണ് ജനങ്ങള്ക്കെതിരെ നടപടി. സാമ്ബത്തിക പ്രതിസന്ധിയില് നട്ടം തിരിയുന്ന രാജ്യത്ത് കടുത്ത നിയന്ത്രണങ്ങളാണ് നിലവിലുള്ളത്. സംശയം തോന്നുന്ന ആരെയും സൈന്യത്തിന് അറസ്റ്റ് ചെയ്യാനും തടവില് പാര്പ്പിക്കാനും കഴിയും.
ക്രമസമാധാനം ഉറപ്പിക്കാനും സാധന സാമഗ്രികളുടെ വിതരണം ഉറപ്പുവരുത്താനുമാണ് നടപടിയെന്നാണ് അടിയന്തരാവസ്ഥ പ്രഖ്യാപിച്ചു കൊണ്ടുള്ള പ്രസിഡന്റ് ഗൊട്ടബയ രജപക്സെയുടെ ഉത്തരവില് പറയുന്നത്. പ്രസിഡന്റിന്റെ വസതിക്ക് മുന്നിലടക്കം കഴിഞ്ഞ ദിവസം വ്യാപക പ്രതിഷേധങ്ങളും സംഘര്ഷങ്ങളും അരങ്ങേറിയിരുന്നു.
അതേസമയം ശ്രീലങ്കയുടെ ദുരിതം പരിഹരിക്കാന് വായ്പ അനുവദിക്കുന്ന കാര്യത്തില് ഐഎംഎഫിന്റെ ചര്ച്ചകള് ഈ ആഴ്ച ആരംഭിക്കും. കടക്കെണിയിലായ ലങ്കയ്ക്ക് വിദേശസഹായം ഇല്ലാതെ ഒരടിപോലും മുന്നോട്ടു നീങ്ങാനാവാത്ത സാഹചര്യമാണ്