കാണാതായ സിഐ എലിസബത്തിനെ കണ്ടെത്തി; കിട്ടിയത് തിരുവനന്തപുരത്ത് നിന്ന്
കാണാതായ പനമരം പൊലീസ് സ്റ്റേഷന് ഹൗസ് ഓഫീസര് കെ എ എലിസബത്തിനെ തിരുവനന്തപുരത്ത് നിന്ന് കണ്ടെത്തി. സുഹൃത്തിന്റെ വീട്ടില് നിന്നാണ് ഇവരെ പോലീസ് കണ്ടെത്തിയത്. തിങ്കളാഴ്ചയാണ് പാലക്കാട് ഫാസ്റ്റ് ട്രാക്ക് സ്പെഷ്യല് കോടതിയിലേക്ക് കോര്ട്ട് എവിഡന്സ് ഡ്യൂട്ടിക്കായി പോയ സിഐയെ കാണാതായി റിപ്പോര്ട്ട് വന്നത്. മാനന്തവാടി ഡിവൈഎസ്പിയുടെ നേതൃത്വത്തിലുള്ള സംഘം അന്വേഷണം നടത്തി വരികയായിരുന്നു. പാലക്കാട് കോടതി ഡ്യൂട്ടിക്ക് പുറപ്പെട്ട സിഐ പാലക്കാട് എത്തിയതായി പൊലീസിന് വിവരം ലഭിച്ചിരുന്നു. പിന്നീട് കാണാതാവുകയായിരുന്നു.
ഔദ്യോഗിക ഫോണ് അടക്കം രണ്ട് ഫോണുകളും സ്വിച്ച് ഓഫ് ആയത് ദുരൂഹതയുണ്ടാക്കി. അവസാനമായി സംസാരിച്ച ഗ്രേഡ് എസ്ഐയോട് താന് കല്പ്പറ്റ ബസ് സ്റ്റാന്ഡില് ഉണ്ടെന്ന് എലിസബത്ത് പറഞ്ഞിരുന്നു.