വയനാട് ദുരിതബാധിതരുടെ വായ്പ എഴുതിത്തള്ളണം; കേന്ദ്ര സര്ക്കാരിനോട് വീണ്ടും ഹൈക്കോടതി
കൊച്ചി: വയനാട് ദുരിതബാധിതരുടെ വായ്പ എഴുതിത്തള്ളണമെന്ന് ആവര്ത്തിച്ച് ഹൈക്കോടതി. ദുരന്തബാധിതരുടെ ജീവനോപാധിയാണ് ഇല്ലാതായത്, ഇത് കണ്ടില്ലെന്ന് നടക്കാനാവില്ലെന്ന് കോടതി പറഞ്ഞു. ലോണുകള് എഴുതിത്തള്ളുന്നത് സര്ക്കാര് നയത്തിന്റെ ഭാഗമെന്ന് കേന്ദ്രം കോടതില് മറുപടി നല്കി.
കൊവിഡില് ജനങ്ങള്ക്കുണ്ടായ ബുദ്ധിമുട്ട് താല്ക്കാലികമായിരുന്നു, എന്നാല് വയനാട് ദുരന്തത്തില്പ്പെട്ടവര്ക്ക് സംഭവിച്ചത് അങ്ങനെയല്ലെന്ന് കോടതി പറഞ്ഞു. വയനാട് ദുരിതബാധിതരുടെ ജീവനോപാധി തന്നെയാണ് ഇല്ലാതായത്, അത് കണ്ടില്ലെന്ന് നടിക്കാനാവില്ല. ബാങ്കുകള് മറ്റുള്ളവരുടെ പണം ഉപയോഗിച്ചാണ് ബിസിനസ് ചെയ്യുന്നതെന്ന് കേന്ദ്രം കോടതിയില് പറഞ്ഞു.
കോടതി ഉത്തരവിന്റെ അടിസ്ഥാനത്തില് വായ്പ എഴുതിത്തള്ളുന്നത് പരിഗണിക്കാമെന്നും കേന്ദ്ര സര്ക്കാര് കോടതിയെ അറിയിച്ചു. ഹര്ജി ഇനി വേനലവധിക്ക് ശേഷം പരിഗണിക്കും. ഇടക്കാല ഉത്തരവ് പുറപ്പെടുവിക്കും.
മന്ത്രിമാര് ആളുകളെ കൊണ്ട് മദ്യം കുടിപ്പിക്കുന്നു: കെ മുരളീധരന്