ഡല്ഹിയില് കെവിഡ് കേസുകൾ ഉയരുന്നു; മാസ്ക് ധരിക്കാത്തവർക്ക് ഇനിമുതൽ 500 രൂപ പിഴ
ന്യൂഡല്ഹി: കുതിച്ചുയരുന്ന കൊവിഡ് വ്യാപനത്തിന്റെ പശ്ചാത്തലത്തില് ഡല്ഹിയില് വീണ്ടും മാസ്ക് നിര്ബന്ധമാക്കി. പൊതു സ്ഥലത്ത് മാസ്ക് ധരിക്കാത്തവരില്നിന്ന് 500 രൂപ പിഴ ഈടാക്കുമെന്ന് ഡല്ഹി ഡിസാസ്റ്റര് മാനേജ്മെന്റ് അതോറിറ്റി ഉത്തരവിലൂടെ അറിയിച്ചു.
കൊവിഡ് കേസുകളുടെ എണ്ണത്തില് വന് വര്ധനയാണ് ഡല്ഹിയിലുണ്ടായിരിക്കുന്നത് കണക്കിലെടുത്താണ് ദുരന്ത നിവാരണ അതോറിറ്റി യോഗം ചേര്ന്നത്. രോഗവ്യാപനം തടയുന്നതിന് കര്ശനമായ നടപടികളെടുക്കാന് യോഗം തീരുമാനിച്ചു. സ്കൂളുകള് അടയ്ക്കുന്നത് ഉള്പ്പെടെയുള്ള കാര്യങ്ങളില് ഉടന് തീരുമാനമെടുത്തേക്കും.തത്ക്കാലം സ്കൂളുകളില് കോവിഡ് പ്രോട്ടോക്കോള് കര്ശനമാക്കും.
കൊവിഡ് കേസുകള് വീണ്ടും ഉയരുന്ന പശ്ചാത്തലത്തില് കേന്ദ്ര സര്ക്കാര് സംസ്ഥാനങ്ങള്ക്ക് ജാഗ്രതാ നിര്ദേശം നല്കി.