മുൻ മന്ത്രി കെ. രാധാകൃഷ്ണന് ചികിൽസ ചെലവ് അനുവദിച്ചു

തിരുവനന്തപുരം: മുൻ മന്ത്രി കെ. രാധാകൃഷ്ണൻ്റെ ചികിൽസക്ക് ചെലവായ തുക അനുവദിച്ചു. പൂജപ്പുര പഞ്ചകർമ്മ ആശുപത്രിയിലെ 7 ദിവസത്തെ തിരുമ്മ് ചികിൽസക്ക് ചെലവായ 16,343 രൂപയും ലെജിസ്ളേച്ചർ ഹോസ്റ്റൽ ഹെൽത്ത് ക്ലിനിക്കിൽ ചെലവായ 57,848 രൂപയും ആണ് അനുവദിച്ചത്. ഈ മാസം 25 നാണ് 74,191 രൂപയുടെ ചികിൻസ ചെലവ് കെ. രാധാകൃഷ്ണന് അനുവദിച്ചത്. മന്ത്രിമാർക്കും കുടുംബാംഗങ്ങൾക്കും ചികിൽസ ചെലവ് സർക്കാർ വഹിക്കും എന്നതാണ് ചട്ടം.