ഉഷ്ണതരംഗത്തെ പ്രകൃതി ദുരന്തമായി പ്രഖ്യാപിക്കണം: വി ഡി സതീശന്
മരിച്ചവരുടെ കുടുബങ്ങള്ക്ക് ധനസഹായം നല്കണമെന്നും കാര്ഷകര്ക്ക് പ്രത്യേക പാക്കേജ് പ്രഖ്യാപിക്കണമെന്നും ആവശ്യപ്പെട്ട് മുഖ്യമന്ത്രിക്ക് കത്ത് നല്കി.
തിരുവനന്തപുരം: സംസ്ഥാനത്തെ കടുത്ത ഊഷ്ണ തരംഗത്തെ പ്രകൃതി ദുരന്തമായി പ്രഖ്യാപിക്കണമെന്ന് ആവശ്യപ്പെട്ട് പ്രതിപക്ഷ നേതാവ് വി.ഡി സതീശന് മുഖ്യമന്ത്രി പിണറായി വിജയന് കത്തയച്ചു. ഊഷ്ണ തരംഗത്തെ തുടന്ന്ന് മരിച്ചവരുടെ കുടുബങ്ങള്ക്ക് ധനസഹായം നല്കണമെന്നും കാര്ഷകര്ക്ക് പ്രത്യേക പാക്കേജ് പ്രഖ്യാപിക്കണമെന്നും കത്തില് ആവശ്യപ്പെട്ടു.
ചരിത്രത്തില് ആദ്യമായി കേന്ദ്ര കാലാവസ്ഥാ വകുപ്പിന്റെ ഉഷ്ണ തരംഗ മാപ്പില് കേരളവും ഉള്പ്പെട്ടിരിക്കുന്നത് പരിഗണിക്കണം. നിര്മാണത്തൊഴിലാളികള്, കര്ഷകത്തൊഴിലാളികള്, വഴിയോരക്കച്ചവടക്കാര്, മത്സ്യത്തൊഴിലാളികള്, അതിഥി തൊഴിലാളികള് അടക്കമുള്ളവര് പൊള്ളുന്ന വെയിലില് ജോലി ചെയ്യണ്ട അവസ്ഥയിലാണ്. ഇവരുടെ ജീവനോപാധിക്ക് കോട്ടം തട്ടാത്ത രീതിയില് ജോലി സമയത്തില് ക്രമീകരണം ഏര്പ്പെടുത്തണം. ആവശ്യമുള്ളവര്ക്ക് സര്ക്കാര് സഹായം ലഭ്യമാക്കണമെന്നും സതീശന് ആവശ്യപ്പെട്ടു.
വിളകള് കരിഞ്ഞതോടെ കര്ഷകര് പ്രതിസന്ധിയിലാണ്. ഈ പ്രതിസന്ധിയില് നിന്നും കരകയറാന് കര്ഷകര്ക്ക് പ്രത്യേക പാക്കേജ് പ്രഖ്യാപിക്കണം.കുടിവെള്ള ക്ഷാമവും പരിഹരിക്കുന്നതിന് തദ്ദേശ സ്ഥാപനങ്ങളുടെ സഹകരണത്തോടെ ഗ്രാമീണ മേഖലകളില് ഉള്പ്പെടെ സര്ക്കാരിന്റെ ഭാഗത്ത് നിന്നും അടിയന്തര ഇടപെടലുണ്ടാകണമെന്നും സതീശന് ആവശ്യപ്പെട്ടു.