കൊച്ചി: ക്രിമിനൽ കോടതിയലക്ഷ്യ കേസിൽ കെപിസിസി പ്രസിഡന്റ്‌ കെ സുധാകരൻ ഹൈക്കോടതിയിൽ ഹാജരായി. ഷുഹൈബ് വധക്കേസിൽ സിബി ഐ അന്വേഷണം തള്ളിയതിനെതിരെ ജുഡീഷ്യറിക്കെതിരെ സുധാകരൻ നടത്തിയ പരാമർശമാണ് കോടതിയലക്ഷ്യ കേസിന് വഴിവെച്ചത്.
ജസ്റ്റിസ് അനിൽ.കെ.നരേന്ദ്രൻ, ഹരിശങ്കർ.വി.മേനോൻ എന്നിവരടങ്ങുന്ന ഡിവിഷൻ ബെഞ്ച് മുമ്പാകെയാണ് ഹാജരായത്. അഡ്വ ജനാർദ്ദന ഷേണായിയാണ് ഹർജിക്കാരൻ. കേസിൽ വിശദീകരണ പത്രിക സമർപ്പിക്കാൻ കോടതി 4 ആഴ്ചത്തെ സാവകാശം അനുവദിച്ചു.
വിധി പ്രസ്താവിച്ച ജഡ്ജിക്ക് തലയ്ക്ക് വെളിവുണ്ടോയെന്നും ഇത്തരം മ്ലേച്ഛകരമായ വിധി ജനങ്ങളുടെ വിശ്വാസം നഷ്ടപ്പെടുത്തുന്നതാണെന്നുമായിരുന്നു കണ്ണൂരിലെ ഒരു പൊതുയോഗത്തിൽ സുധാകരൻ പറഞ്ഞത്. ഇതാണ് കോടതിയലക്ഷ്യ കേസിലേക്ക് നയിച്ചത്.
